Sonu Sood: ఆంధ్రా నుంచే ఆరంభం.. సోనూ సూద్ తొలి ఆక్సిజన్ ప్లాంటు ఏపీలోనే
రియ‌ల్ హీరో, దేవుడు... ప్ర‌స్తుతం నటుడు సోనూ సూద్‌ను ఇదే పేర్ల‌తో పిలుచుకుంటున్నారు జ‌నాలు. సాయం అంటే చాలు ఎగ‌బ‌డి వ‌చ్చేస్తున్నాడు ఈ యాక్ట‌ర్. త‌న‌కు అయినంత‌లో....
రియ‌ల్ హీరో, దేవుడు… ప్ర‌స్తుతం నటుడు సోనూ సూద్‌ను ఇదే పేర్ల‌తో పిలుచుకుంటున్నారు జ‌నాలు. సాయం అంటే చాలు దేశంలోని ఏ ప్రాంత‌మైనా ఎగ‌బ‌డి వ‌చ్చేస్తున్నాడు ఈ యాక్ట‌ర్. త‌న‌కు అయినంత‌లో అప‌న్న హ‌స్తం అందిస్తున్నాడు. అత్య‌వ‌స‌రం అయితే జోలె ప‌ట్టి అడిగి (సోనూ సూద్ ఫౌండేష‌న్) మ‌రీ మ‌నుషుల ప్రాణాలు కాపాడుతున్నాడు. క‌రోనా లాక్డౌన్ మొదలైనప్పటి నుంచి ఎంతోమందికి సాయం చేస్తున్న నటుడు సోనూసూద్.. తన ఆధ్వర్యంలోని తొలి సెట్ ఆక్సిజన్ ప్లాంట్లను ఆంధ్రప్రదేశ్లో ఏర్పాటు చేయనున్నారు. ఈ విషయాన్ని ఆయనే స్వయంగా ట్విట్టర్ వేదికగా తెలిపారు. కర్నూలు ప్రభుత్వ ఆస్పత్రి, నెల్లూరు ఆత్మకూరులోని జిల్లా ఆస్పత్రిలో వీటిని ఏర్పాటు చేయనున్నట్లు వెల్ల‌డించారు. ఈ క్రమంలోనే మిగతా రాష్ట్రాల్లోనూ ఆక్సిజన్ ప్లాంట్లను త్వరలో ఏర్పాటు చేయనున్నట్లు వివ‌రించారు.
సోష‌ల్ మీడియా వేదికగా తనను కోరిన ఎంతోమందికి ఆక్సిజన్ కాన్సట్రేటర్లను అందించారు సోనూసూద్. ఇవి సరిపోకపోవడం వల్ల ఫారెన్ నుంచి ఆక్సిజన్ ప్లాంట్లను తెప్పించేందుకు స‌న్న‌ద్ద‌మ‌య్యారు. అందులో భాగంగానే తొలి ప్రాధాన్యంగా ఆంధ్రప్రదేశ్లో ఆక్సిజన్ ప్లాంట్లను ఏర్పాటు చేయనున్నారు.
Also Read: సైబరాబాద్ పోలీసులను ఆశ్రయించిన సింగర్ మధుప్రియ.. కారణం ఇదే..