Acharya Song: వివాదంలో ఆచార్య ఐటమ్ సాంగ్.. మనోభావాలు దెబ్బతిన్నాయంటూ ఏపీ హోం మంత్రికి ఫిర్యాదు

Acharya Song: వివాదంలో ఆచార్య ఐటమ్ సాంగ్.. మనోభావాలు దెబ్బతిన్నాయంటూ ఏపీ హోం మంత్రికి ఫిర్యాదు
Acharya Song

Acharya Movie Item Song: మెగాస్టార్ చిరంజీవి, రామ్ చరణ్ లు నటిస్తున్న ఆచార్య సినిమాలోని ఐటెం సాంగ్ ఇప్పుడు వివాదాస్పదం అయింది.  పాటలోని సాహిత్యం తమను అవమానపరిచే విధంగా..

Surya Kala

|

Jan 08, 2022 | 2:37 PM

Acharya Movie Item Song: మెగాస్టార్ చిరంజీవి, రామ్ చరణ్ లు నటిస్తున్న ఆచార్య సినిమాలోని ఐటెం సాంగ్ ఇప్పుడు వివాదాస్పదం అయింది.  పాటలోని సాహిత్యం తమను అవమానపరిచే విధంగా ఉన్నాయని.. తమ మనోభావాలు దెబ్బతీశాయంటూ.. ఏపీ ఆర్ఎంపి సంక్షేమ సంఘం నాయకులు వ్యాఖ్యానించారు. ఈ మేరకు హోం మంత్రి సుచరితను కలిసి వినతి పత్రం అందజేశారు. ఈ సందర్భంగా గ్రామీణ వైద్యుల సంక్షేమ సంఘం రాష్ట్ర గౌరవ అధ్యక్షుడు గణపతి రావు మాట్లాడుతూ.. ఆచార్య సినిమాలో ఓ పాట ఆర్.ఎమ్.పి ల మనోభావాలు దెబ్బతీసేలా ఉన్నాయని అన్నారు. ఆ సాంగ్ లో ఆడవారిని నెమరడానికే ఆర్.ఎమ్.పి లు అని వ్యగ్యంగా పాడారని.. కనుక ఈ పాటలో ఆర్.ఎమ్.పి లను కించపరిచేలా ఉన్న వ్యాఖ్యలు తొలగించాలని గణపతిరావు కోరారు.  తమ డిమాండ్ ని తెలియజేస్తూ.. హోం మంత్రి సుచరిత ను కలసి వినతి పత్రం అందచేశామని అన్నారు. అంతేకాదు ఈ సందర్భంగా ఏపీలోని ఆర్.ఎమ్.పి ల ఎదురుకుంటున్న సమస్యలు పరిష్కరించాలని హోమ్ మంత్రి సుచరితను కోరినట్లు చెప్పారు.

చిరంజీవి హీరోగా కొరటాల శివ దర్శకత్వంలో తెరకెక్కుతున్న ఆచార్య సినిమా లోని ఐటెం సాంగ్ సానా కష్టం.. విడుదల రెండు రోజుల్లో 12 మిలియన్ల వ్యూస్ ను దాటి ఓ రేంజ్ లో దూసుకుని వెళ్తుంది. భాస్కరభట్ల సాహిత్యం అందించగా, రేవంత్, గీతా మాధురి ఈ పాటను ఆలపించారు. మణిశర్మ సంగీతం అందిస్తున్నారు.

మెగాస్టార్ చిరంజీవి, రామ్ చరణ్ హీరోలుగా నటిస్తున్న ఆచార్య, టాలీవుడ్‌లో భారీ అంచనాలున్న సినిమాల్లో ఒకటి. చిరంజీవి కెరీర్‌లో ఇది 152వ సినిమా. ఈ చిత్రం ముందుగా మే 2021లో పెద్ద తెరపైకి రావాలని షెడ్యూల్ చేయబడింది, అయితే దేశవ్యాప్తంగా కోవిడ్ -19 రెండవ వేవ్ కారణంగా వాయిదా వేయవలసి వచ్చింది. ఈ సినిమా కథ నక్సలైట్ల జీవితాధారంగా ఉంటుందని సమాచారం.

Also Read:

 సంక్రాంతి కానుకగా రానున్న రౌడీ బాయ్స్.. మూవీ ట్రైలర్ లాంచ్ చేసే స్టార్ హీరో ఎవరంటే..

Follow us on

Related Stories

Most Read Stories

Click on your DTH Provider to Add TV9 Telugu