Nara Lokesh: చిరంజీవి, బాలకృష్ణకు శుభాకాంక్షలు చెప్పిన నారా లోకేష్‌.. వారి ట్రాప్‌లో ఎవరు పడొద్దంటూ ట్వీట్‌..

Nara Lokesh

గాడ్ అఫ్ మాసస్ నటసింహ నందమూరి బాలకృష్ణ, బ్లాక్‌బస్టర్ మేకర్ గోపీచంద్ మలినేని దర్శకత్వంలో సంక్రాంతి కానుక ప్రతిష్టాత్మకంగా తెరకెక్కిన మోస్ట్ అవైటెడ్ మూవీ ‘వీరసింహారెడ్డి’ గురువారం (జనవరి 12, 2023) విడుదల కానుంది. శ్రుతి హాసన్ కథానాయికగా నటిస్తున్న ఈ చిత్రాన్ని మైత్రీ మూవీ మేకర్స్ పతాకంపై నిర్మాతలు నవీన్ యెర్నేని, వై రవిశంకర్ భారీగా నిర్మిస్తున్నారు. ఇప్పటికే ‘వీరసింహారెడ్డి’ ఆల్బమ్ చార్ట్ బస్టర్ హిట్ అయ్యింది. మరోవైపు మెగాస్టార్ చిరంజీవి చిరంజీవి, మాస్ మాహారాజా రవితేజ, దర్శకుడు బాబీ కొల్లి కాంబోలో రాబోతున్న మోస్ట్ ఎవైటెడ్ మూవీ ‘వాల్తేరు వీరయ్య’. ఈ సినిమా అభిమానులకు, ప్రేక్షకులకు థియేటర్లలో పూనకాలు తెప్పించడానికి సిద్ధంగా ఉంది. చిరంజీవి సరసన శృతి హాసన్ కథానాయికగా నటిస్తున్న ఈ చిత్రాన్ని మైత్రీ మూవీ మేకర్స్‌ బ్యానర్ పై నవీన్ యెర్నేని, వై రవిశంకర్ భారీ స్థాయిలో నిర్మిస్తున్నారు. అన్ని కార్యక్రమాలు పూర్తిచేసుకున్న ఈ చిత్రం జనవరి 13న ప్రేక్షకుల ముందుకు రానుంది.

వీరసింహారెడ్డి, వాల్తేరు వీరయ్య సినిమాలు విడుదల నేపథ్యంలో టీడీపీ నేత నారా లోకేష్.. చిరంజీవి, బాలకృష్ణకు శుభాకాంక్షలు చెబుతూ ఆసక్తికర ట్వీట్ చేశారు. బాలకృష్ణ మూవీ వీర సింహారెడ్డి, చిరంజీవి సినిమా వాల్తేర్ వీరయ్య సినిమాలు విజయవంతం కావాలని లోకేష్ ఆకాంక్షించారు. కోట్లాది ప్రేక్షకులతో పాటు తాను కూడా సినిమా చూడటానికి ఎంతో ఆసక్తితో ఎదురుచూస్తున్నానని లోకేష్ పేర్కొన్నారు.

సినిమాల ముసుగులో హీరోల కులాలతో గొడవలు చేయడానికి ఒక గ్యాంగ్ రెడీగా ఉందంటూ పేర్కొన్నారు. ఒక కులాన్ని అడ్డుపెట్టుకుని మరో కులంపై విష ప్రచారం చేయాలని చూస్తున్నారంటూ మండిపడ్డారు. ఇలాంటి ట్రాప్‌లో ఎవరు పడొద్దంటూ సూచించారు. అధికార పార్టీ కుతంత్రాలను తిప్పికొడదాం.. మన అందరిదీ ఒకటే కులం.. అని చాటి చెబుదాం అంటూ సూచించారు.

మరిన్ని ఏపీ వార్తల కోసం..