AP Elections 2024: ఉమ్మడి నెల్లూరు జిల్లాలో ఆ రెండు స్థానాలపై జనసేన కన్ను.. రేసులో టాలీవుడ్ సెలబ్రిటీ?

ఉమ్మడి నెల్లూరు జిల్లాలో తమకు కేటాయించే సీట్లపై త్వరగా క్లారిటీ ఇవ్వాలని జనసేన కోరుతోంది. అయితే జన సైనికులకు వారు అడిగిన చోట కాకుండా టిడిపి వేరే ఆప్షన్ ఇచ్చిందట.. . ఇప్పటికే జనసేన నుంచి ఇక్కడ పోటీ కోసం పలువురు ప్రయత్నిస్తుండగా..

AP Elections 2024: ఉమ్మడి నెల్లూరు జిల్లాలో ఆ రెండు స్థానాలపై జనసేన కన్ను.. రేసులో టాలీవుడ్ సెలబ్రిటీ?
TDP, Janasena party
Follow us

| Edited By: Janardhan Veluru

Updated on: Jan 25, 2024 | 12:13 PM

టిడిపి – జనసేన పొత్తు విషయంలో క్లారిటీ ఉంది.. కానీ జనసేనకు ఎన్ని అసెంబ్లీ, లోక్‌సభ సీట్లు, టీడీపీ ఎక్కడెక్కడ పోటీ చేస్తుందన్న అంశంలో మాత్రం ఇప్పటికీ కన్ఫ్యూజన్ కొనసాగుతోంది. అందులోనూ ఉమ్మడి నెల్లూరు జిల్లాలో జనసేన మేం అడిగిన స్థానాలు మాకే ఇవ్వాలని కోరుతోంది. ఆ రెండు స్థానాల్లో ఎదో ఒకటి మాకు ఇవ్వాలని జనసేన కోరుతుంటే.. మిత్రపక్షమైన టిడిపి మాత్రం ఆ రెండు తప్ప మరో నాలుగు స్థానాలను ఆప్షన్‌గా ఇచ్చి రెండు ఎంచుకోవాలని కోరుతోందన్న టాక్ జిల్లా రాజకీయ వర్గాల్లో జోరుగా వినిపిస్తోంది.

ఉమ్మడి నెల్లూరు జిల్లాలో తమకు కేటాయించే సీట్లపై త్వరగా క్లారిటీ ఇవ్వాలని జనసేన కోరుతోంది. అయితే జన సైనికులకు వారు అడిగిన చోట కాకుండా టిడిపి వేరే ఆప్షన్ ఇచ్చిందట.. . ఇప్పటికే జనసేన నుంచి ఇక్కడ పోటీ కోసం పలువురు ప్రయత్నిస్తుండగా.. తాజాగా టాలీవుడ్ సినీ కొరియోగ్రాఫర్ జానీ మాస్టర్ కూడా రేసులో చేరిపోయారు. బుధవారం(జనవరి 24)నాడు జనసేన పార్టీలో చేరిన ఆయన.. వచ్చే ఎన్నికల్లో ఉమ్మడి నెల్లూరు జిల్లా నుంచి బరిలో నిలిచేందుకు సిద్ధమవుతున్నారు. కానీ ఎక్కడి నుంచి పోటీ చేస్తారన్నది ఇంకా క్లారిటీ రాలేదు.

ఉమ్మడి నెల్లూరు జిల్లా వైసీపీకి మంచి పట్టున్న జిల్లా.. అలాంటి చోట ప్రత్యర్థిని కొట్టాలంటే పొత్తు ఉంటే సరిపోదు. పోటీ చేసే అవకాశం కూడా కావాలని అంటున్నారు జనసేన నేతలు. గతంలో నెల్లూరు సిటి నుంచి ప్రజారాజ్యం విజయం సాధించింది. అందుకే జనసేనకు కూడా ఈ జిల్లాలో అవకాశం ఇవ్వాలని గట్టిగా ప్రయత్నిస్తోంది. నెల్లూరు సిటి, నెల్లూరు రూరల్ స్థానాలు ఇవ్వాలని జనసేన గట్టిగానే పట్టుబడుతోందని టాక్ వినిపిస్తోంది. అయితే అక్కడ ఇప్పటికే మాజీమంత్రి నారాయణ, కోటంరెడ్డి శ్రీధర్ రెడ్డి పోటీకి సిద్ధంగా ఉన్నారు. దీంతో ఆ రెండు స్థానాలు కాకుండా.. జిల్లాలో జనసేన కోసం నాలుగు నియోజకవర్గాలను ఆప్షన్ గా టిడిపి ఇచ్చినట్లు తెలుస్తోంది.

సూళ్లూరుపేట, వెంకటగిరి, ఆత్మకూరు, కావలి నియోజకవర్గాల్లో ఎదో ఒక చోట జనసేనకు అవకాశం ఉంటుందని తెలుస్తోంది. జనసేన అధినేత పవన్ కళ్యాణ్ తో మంచి సబంధాలు కలిగి ఉన్న కొరియోగ్రాఫర్ జానీ మాస్టర్ జనసేనలో చేరారు. ఇప్పటికే ఇక్కడ జనసేన జిల్లా నేతలు పోటీకి ప్రయత్నాలు చేస్తుండగా జానీ మాస్టర్ చేరికతో ఆయన కూడా బరిలో ఉన్నట్లు తెలుస్తోంది. జిల్లాలో కలిసొచ్చే చోట నుంచి పోటీకి జానీ సిద్ధమయ్యారట. మరి ఎక్కడ నుంచి పోటీ చేస్తారనేది ఇటు టిడిపి, అటు జనసేన జిల్లా నేతలకు ఇంకా సమాచారం లేదట. తాము అడిగిన నియోజకవర్గం ఇవ్వలేదన్న అసంతృప్తిలో ఉన్న తమకు ఇప్పుడు మరో వ్యక్తి పోటీకి సిద్ధమవడంతో తమకు అవకాశాలు దక్కుతాయా లేదా అన్న సందేహం ఆ పార్టీ జిల్లా నాయకుల్లో మొదలయిందట.

జానీ మాస్టర్ జిల్లాలో ఎక్కడి నుంచి పోటీ చేస్తారన్న దానిపై జిల్లా రాజకీయ వర్గాల్లో ఆసక్తికర చర్చ జరుగుతోంది. ఉమ్మడి నెల్లూరు జిల్లాలో జానీ పోటీ చేస్తే ఒక్కరికే అవకాశం ఉంటుందా.. మరో నియోజకవర్గం కూడా జనసేనకు టిడిపి అవకాశం ఇస్తుందా అన్నది చూడాల్సి ఉంది.. ఇంతకీ జానీ మనస్సు ఏ స్థానంపై ఉంది. ఇటీవల రెగ్యులర్‌గా నెల్లూరులో జానీ మాస్టర్ పర్యటిస్తున్నారు. కష్టాల్లో ఉన్నవారికి ఆర్ధికంగా సాయపడుతూ.. ప్రజా సమస్యలపై పోరాటాలు కూడా చేస్తున్న జానీ మాస్టర్ ఈ సారి పోటీ చేయాలని గట్టిగా ప్రయత్నిస్తున్నారు.

స్వతహాగా నెల్లూరు వాసుడైన జానీ అదే స్థానాన్ని కోరుకుంటాగా.. టీడీపీ అధిష్ఠానం మాజీ మంత్రి నారాయణను కాదని జనసేనకు అవకాశం ఇస్తుందా.. లేక టిడిపి చెబుతోన్న ఆ నాలుగు స్థానాల్లో ఎదో ఒక చోట నుంచి అవకాశం ఇస్తే అందుకు జనసేన సిద్ధంగా ఉందా అన్నది తెలియాలి.. ఒకవేళ ఆ స్థానాల్లో ఎదో ఒక చోట నుంచి జానీ మాస్టర్ లేక జిల్లాలో ఉన్న మరెవరైనా పోటీ చేస్తారా అన్నది చూడాల్సివుంది.

Latest Articles
ఐస్ క్రీం బిజినెస్.. ఎంత లాభం వస్తుందో తెలుసా..?
ఐస్ క్రీం బిజినెస్.. ఎంత లాభం వస్తుందో తెలుసా..?
మీ కారు బ్యాటరీ పాడైందని చెప్పే సంకేతాలు ఇవే.. చెక్ చేసుకోండి..
మీ కారు బ్యాటరీ పాడైందని చెప్పే సంకేతాలు ఇవే.. చెక్ చేసుకోండి..
'కల్కి' ఈవెంట్‌లో ప్రెగ్నెంట్ దీపికకు సాయం చేసిన ప్రభాస్.. వీడియో
'కల్కి' ఈవెంట్‌లో ప్రెగ్నెంట్ దీపికకు సాయం చేసిన ప్రభాస్.. వీడియో
తొలకరితో పులకరింత.. పాలధారలా పరవళ్లు తొక్కుతున్న బొగత జలపాతాలు
తొలకరితో పులకరింత.. పాలధారలా పరవళ్లు తొక్కుతున్న బొగత జలపాతాలు
ఓట్స్‌తో పాన్‌కేక్‌ చేసి పెట్టండి.. చిన్నారులు ఇష్టంగా తింటారు
ఓట్స్‌తో పాన్‌కేక్‌ చేసి పెట్టండి.. చిన్నారులు ఇష్టంగా తింటారు
TGPSC గ్రూప్-2 అభ్యర్ధులకు అలర్ట్..నేటితో ముగుస్తున్నఎడిట్ ఆప్షన్
TGPSC గ్రూప్-2 అభ్యర్ధులకు అలర్ట్..నేటితో ముగుస్తున్నఎడిట్ ఆప్షన్
ఇవాళ అఫ్గాన్‌ vs టీమిండియా.. మ్యాచ్ టైమింగ్స్, వెదర్ రిపోర్ట్స్
ఇవాళ అఫ్గాన్‌ vs టీమిండియా.. మ్యాచ్ టైమింగ్స్, వెదర్ రిపోర్ట్స్
ఏపీ టెట్ 2024 ఫలితాలు ఇంకెప్పుడో..? అయోమయంలో డీఎస్సీ అభ్యర్థులు
ఏపీ టెట్ 2024 ఫలితాలు ఇంకెప్పుడో..? అయోమయంలో డీఎస్సీ అభ్యర్థులు
ప్రమోషనల్‌ టూర్‌ లో బిజీ.. బిజీ.. ప్రభాస్ న్యూ లుక్స్ వైరల్
ప్రమోషనల్‌ టూర్‌ లో బిజీ.. బిజీ.. ప్రభాస్ న్యూ లుక్స్ వైరల్
ఢిల్లీలో సూర్యుడి ప్రతాపం.. 24 గంటల్లో 20 మంది మృతి
ఢిల్లీలో సూర్యుడి ప్రతాపం.. 24 గంటల్లో 20 మంది మృతి