AP Weather Alert: ఏపీలో వీస్తున్న నైరుతిగాలులు.. అనేక ప్రాంతాల్లో మోస్తరు నుంచి భారీ వర్షాలు కురిసే అవకాశం

ఆంధ్ర ప్రదేశ్, యానంలో దిగువ ట్రోపో ఆవరణములో నైరుతి గాలులు వీస్తున్నాయని వాతావరణ శాఖ వెల్లడించింది. ఈ నేపథ్యంలో ఏపీలో వాతావరణం రాబోవు మూడు రోజులకు వాతావరణ సూచనలు చేసింది. 

AP Weather Alert: ఏపీలో వీస్తున్న నైరుతిగాలులు.. అనేక ప్రాంతాల్లో మోస్తరు నుంచి భారీ వర్షాలు కురిసే అవకాశం
Weather
Surya Kala

|

Sep 12, 2022 | 2:29 PM

AP Weather Alert: దక్షిణ ఛత్తీస్‌గఢ్.. దానిని ఆనుకుని ఉన్న ఆగ్నేయ మధ్యప్రదేశ్, విదర్భపై ఉన్న వాయుగుండం దాదాపు వాయువ్య దిశగా కదిలి ఈరోజు అనగా 12 సెప్టెంబర్ 2022 0830 గంటలకు ఆగ్నేయ మధ్యప్రదేశ్ & పరిసర ప్రాంతాలలో తీవ్ర అల్పపీడన ప్రాంతంగా బలహీనపడిందని అమరావతి వాతావరణ శాఖ వెల్లడించింది. ఈ తీవ్ర అల్పపీడనము మధ్యప్రదేశ్ మీదుగా వాయువ్య దిశగా ప్రయాణించే అవకాశముంది. ఋతుపవన ద్రోణి సగటు సముద్ర మట్టానికి ఇప్పుడు జైసల్మేర్, ఉదయపూర్, భోపాల్ మరియు ఆగ్నేయ మధ్యప్రదేశ్ & పరిసర ప్రాంతాలలో బాగా గుర్తించబడిన అల్పపీడన కేంద్రం గుండా ప్రయాణిస్తూ , భటపరా, ఝర్సుగూడ, బాలాసోర్ ..  అక్కడి నుండి తూర్పు ఆగ్నేయ దిశగా ఈశాన్య బంగాళాఖాతం వరకు విస్తరించిందని తెలిపింది. దీంతో  ఆంధ్ర ప్రదేశ్, యానంలో దిగువ ట్రోపో ఆవరణములో నైరుతి గాలులు వీస్తున్నాయని వాతావరణ శాఖ అధికారులు చెప్పారు. ఈ నేపథ్యంలో ఏపీలో వాతావరణం రాబోవు మూడు రోజులకు వాతావరణ సూచనలు చేసింది.

ఉత్తర కోస్తా ఆంధ్రప్రదేశ్, యానాం: ఈరోజు తేలిక పాటి నుండి ఒక మోస్తరు వర్షాలు లేదా ఉరుములతో కూడిన జల్లులు చాల చోట్ల కురిసే అవకాశముంది. ఉరుముల తో కూడిన మెరుపులు ఒకటి లేదా రెండు చోట్ల సంభవించే అవకాశం ఉంది. రేపు , ఎల్లుండి (సెప్టెంబర్ 14వ తేదీ) తేలిక పాటి నుండి ఒక మోస్తరు వర్షాలు కొన్ని చోట్ల కురిసే అవకాశముంది.

దక్షిణ కోస్తా ఆంధ్రప్రదేశ్: ఈ రోజు ,రేపు , ఎల్లుండి (సెప్టెంబర్ 14వ తేదీ) తేలిక పాటి నుండి ఒక మోస్తరు వర్షాలు ఒకటి లేదా రెండు చోట్ల కురిసే అవకాశముంది.

రాయలసీమ: ఈ రోజు ,రేపు, ఎల్లుండి (సెప్టెంబర్ 14వ తేదీ) తేలిక పాటి నుండి ఒక మోస్తరు వర్షాలు ఒకటి లేదా రెండు చోట్ల కురిసే అవకాశముంది.

ఇవి కూడా చదవండి

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu