ఆర్టీసీ బస్సులో రూ. కోటీ 90 లక్షలు తరలింపు.. రసీదులు చూపకపోగా పొంతనలేని సమాధానాలు.. మొత్తం నగదును సీజ్ చేసిన పోలీసులు..

కర్నూలు జిల్లాలో భారీ మొత్తంలో నగదు పట్టుబడింది. ఈ నగదుకు సరైన పత్రాలు చూపకపోవడంతో అధికారులు సీజ్ చేశారు. వివరాల్లోకెళితే.. కర్నూలు నగర శివారులోని...

  • Shiva Prajapati
  • Publish Date - 3:18 pm, Sun, 13 December 20
ఆర్టీసీ బస్సులో రూ. కోటీ 90 లక్షలు తరలింపు.. రసీదులు చూపకపోగా పొంతనలేని సమాధానాలు.. మొత్తం నగదును సీజ్ చేసిన పోలీసులు..

కర్నూలు జిల్లాలో భారీ మొత్తంలో నగదు పట్టుబడింది. ఈ నగదుకు సరైన పత్రాలు చూపకపోవడంతో అధికారులు సీజ్ చేశారు. వివరాల్లోకెళితే.. కర్నూలు నగర శివారులోని పంచలింగాల చెక్ పోస్ట్‌ దగ్గర ఎస్ఈబీ పోలీసులు వాహనాలను తనిఖీ చేస్తున్నారు. ఆ సమయంలో ఆర్టీసీ బస్సును కూడా తనిఖీ చేశారు. బస్సులో ప్రయాణిస్తున్న అనంతపురానికి చెందిన కోనేటీ రామచౌదరి బ్యాగ్‌లో రూ. కోటీ 90 లక్షల నగదును గుర్తించారు. ఈ నగదుకు సంబంధించి పత్రాలను చూపాల్సిందిగా పోలీసులు రామచౌదరిని అడిగారు. అయితే అతను రసీదులను చూపకపోగా, పొంతనలేని సమాధానాలు చెప్పాడు. దీంతో పోలీసులు ఆ డబ్బును సీజ్ చేశారు. ఈ విషయాన్ని కర్నూలు డీఎస్పీ మీడియా సమావేశంలో వెల్లడించారు. దీనిపై కేసు నమోదు చేశామని తెలిపారు. డబ్బు ఎవరి దగ్గర నుంచి తీసుకువస్తున్నారు? ఎందుకు తీసుకువస్తున్నారు? అనే విషయాలపై స్పష్టత లేనందున దీనిపై మరింత లోతుగా విచారిస్తామని డీఎస్పీ మహేష్ తెలిపారు.