TDP-Janasena BC Declaration: 50 ఏళ్లకే పింఛన్.. టీడీపీ-జనసేన బీసీ డిక్లరేషన్‌లోని 10 అంశాలు ఇవే..

Chandrababu, Pawan Kalyan

ఆంధ్రప్రదేశ్‌లో వచ్చే ఎన్నికల్లో బీసీల ఓట్లపై అన్ని రాజకీయ పార్టీలు ప్రత్యేక దృష్టి సారించాయి. రాష్ట్రంలో అత్యధిక జనాభా ఉన్న బీసీలను ఆకట్టుకోవడం ద్వారా ఎన్నికల్లో విజయం సాధించవచ్చన్న లక్ష్యంతో అన్ని పార్టీలు ముందుకెళ్తున్నాయి. తెలుగుదేశం పార్టీ ఎప్పుడూ బీసీల పార్టీ అని ఆ పార్టీ నాయకులు చెబుతూ వస్తున్నారు. బీసీలే తమ పార్టీకి వెన్నెముక అని గుర్తు చేస్తున్నారు. గత కొంతకాలంగా బీసీల అంశాన్ని ప్రధానంగా తెలుగుదేశం పార్టీ నాయకులు ప్రస్తావిస్తున్నారు. వైఎస్ఆర్సిపీ అధికారంలోకి వచ్చిన తర్వాత బీసీలకు అన్యాయం జరిగిందని.. స్థానిక సంస్థల్లో బీసీ రిజర్వేషన్లు తగ్గించాలని బీసీలకు ఇవ్వాల్సిన పథకాలను రద్దు చేశారని అనేక ఆరోపణ చేస్తున్నారు. దీంట్లో భాగంగానే వచ్చే ఎన్నికల్లో తిరిగి బీసీ ఓట్లను తమ వైపు తిప్పుకునేలా తెలుగుదేశం – జనసేన పార్టీలు ప్రత్యేక ప్రణాళికతో ముందుకు వెళ్తున్నాయి. గుంటూరు జిల్లా మంగళగిరిలో జయహో బీసీ సదస్సు ద్వారా బీసీ డిక్లరేషన్ ప్రకటించాయి. టీడీపీ- జనసేన పార్టీల అధినేతలు చంద్రబాబు – పవన్ కళ్యాణ్ 10 అంశాలతో బీసీ డిక్లరేషన్ ను ప్రకటించారు. టీడీపీ – జనసేన ప్రభుత్వం అధికారంలోకి వస్తే బీసీలకు ఏం చేస్తామనే దానిపై బీసీ డిక్లేరెక్షన్‌లో పొందుపరిచారు.

10అంశాలతో బీసీ డిక్లరేషన్‌.. అవేంటంటే..

• బీసీలకు 50 సంవత్సరాలకే పెన్షన్ అమలు
• పెన్షన్ నెలకు 4000 కి పెంపు.
• బీసీల కోసం ప్రత్యేక రక్షణ చట్టం.. సామాజిక న్యాయ పరిశీలన కమిటీ ఏర్పాటు చేసి బీసీల హక్కులు కాపాడేలా చర్యలు.
• బీసీ సబ్ ప్లాన్ ద్వారా ఐదేళ్లలో లక్షన్నర కోట్లు ఖర్చు పెట్టాలని నిర్ణయం.
• స్థానిక సంస్థల్లో బీసీ రిజర్వేషన్లు గతంలో మాదిరిగా 34 శాతానికి పెంపు.
• బీసీల ఆర్థిక అభివృద్ధి ఉపాధికి ప్రోత్సాహకాలు పునరుద్ధరణ
• చట్టపరంగా కులగణన నిర్వహణ.
• చంద్రన్న బీమాను పదిలక్షలతో పునరుద్ధరణ. పెళ్ళికానుకలు లక్షకు పెంపు.
• శాశ్వత కుల దృవీకరణ పత్రాలు అందజేత.
• విద్యా పథకాలు అన్ని పునరుద్ధరణ.
• బీసీ భవనాలు కమ్యూనిటీ హాల్లో నిర్మాణాలను ఏడాదిలో పూర్తి.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..