Black Fungus: బ్లాక్ ఫంగస్‌ను ఆరోగ్యశ్రీ పధకం పరిధిలోకి చేరుస్తూ ఏపీ ప్రభుత్వం ఉత్తర్వులు…

Black Fungus Treatment: బ్లాక్ ఫంగస్ చికిత్సను ఆరోగ్య శ్రీ పరిధిలోకి చేరుస్తూ ఏపీ ప్రభుత్వం తాజాగా ఉత్తర్వులు జారీ చేసింది. ఈ విషయంపై ఇటీవలే సీఎం వైఎస్ జగన్మోహన్ రెడ్డి అధికారులను ఆదేశించిన సంగతి తెలిసిందే. తాజాగా దీనికి సంబంధించిన ఉత్తర్వులు జారీ కావడంతో ఈ వ్యాధి చికిత్సకు అయ్యే ఖర్చు మొత్తాన్ని రాష్ట్ర ప్రభుత్వం భరించనుంది. కాగా, ఇప్పటికే కరోనా చికిత్సను ఏపీ ప్రభుత్వం ఆరోగ్యశ్రీ పధకం కింద అందిస్తోన్న విషయం విదితమే. ఇదిలా ఉంటే ఏపీలో ఇప్పటివరకు తొమ్మిది బ్లాక్ ఫంగస్ కేసులు నమోదయ్యాయి. చిత్తూరులో 3, కర్నూలులో 2, అనంతపురంలో 2, శ్రీకాకుళంలో 1, నెల్లూరులో 1 చొప్పున కేసులు వెలుగుచూశాయి.

బ్లాక్ ఫంగస్ లక్షణాలు ఇవే…

• కంటి కింద నొప్పి
• ముఖంలో ఒకపక్క వాపు
• తలనొప్పి
• జ్వరం, ముక్కు దిబ్బడ
• పాక్షికంగా దృష్టి లోపం.. ఇవి ప్రారంభంలో కన్పించే లక్షణాలు
• ఇన్ఫెక్షన్ ముదిరితే.. కంటి చుట్టూ ఉండే కండరాలను స్తంభింపజేసి.. అంధత్వం వచ్చే ప్రమాదం
• ఇన్ఫెక్షన్‌ మెదడుకు పాకితే మెనింజైటిస్(మజ్జ రోగం)కు దారితీస్తుందని నిపుణుల హెచ్చరిక
• ప్రారంభదశలోనే బ్లాక్ ఫంగస్ ను గుర్తించకుంటే ప్రాణాపాయానికి దారి తీస్తుందని వైద్యులు అంటున్నారు.

తీసుకోవాల్సిన జాగ్రత్తలు…

• షుగర్ లెవెల్ పరగడుపున 125, భోజనం చేశాక 250 ఉండేలా చూసుకోండి.
• డైట్‌లో పౌష్టికాహారం, పీచు పదార్ధాలు, సిట్రస్ జాతి పండ్లు ఉండేలా చూసుకోండి.
• గుడ్డులోని తెల్ల భాగాన్ని తినాలి
• ఇమ్యూనిటీ పవర్ తక్కువ ఉన్నవారు.. కరోనా లక్షణాలు కనిపిస్తే నిర్లక్ష్యం చేయకుండా డాక్టర్‌ను సంప్రదించాలి.

Also Read: 

ఆంధ్రప్రదేశ్‌లో కర్ఫ్యూ టైమింగ్ మారిందా.? ఇందులో నిజమెంత.!

ఈ ఫోటోలో ఎరను వేటాడేందుకు సింహం దాగి ఉంది.. ఎక్కడ ఉందో గుర్తుపట్టండి చూద్దాం.!