Shocking Video: విమానాన్ని దొంగిలించిన యువకుడు.. పోలీసులకు చుక్కలు చూపించాడు..!
US Plane Treatens: విమానాలను హైజాక్ చేయడం చూశాంకానీ, అమెరికాలోని మిసిసిపీలో మాత్రం ఒక దుండగుడు ఏకంగా విమానాన్ని దొంగిలించి,
Updated on: Sep 03, 2022 | 10:21 PM
US Plane Treatens: విమానాలను హైజాక్ చేయడం చూశాంకానీ, అమెరికాలోని మిసిసిపీలో మాత్రం ఒక దుండగుడు ఏకంగా విమానాన్ని దొంగిలించి, కూల్చేస్తానని హెచ్చరించారు. మిసిసిపీ నగరంలోని వాల్మార్ట్ స్టోర్ మీద విమానాన్ని కూల్చేస్తానని బెదిరించాడు. చివరకు అతని వామానం క్రాష్ ల్యాండ్ అయ్యింది. దాంతో అలర్ట్ అయిన పోలీసులు.. నిందితుడిని అదుపులోకి తీసుకున్నారు. అంతకు ముందు.. నిందితుడి బెదిరింపులతో వాల్మార్ట్ స్టోర్ ప్రాంతం అంతా హైఅలర్ట్ ప్రకటించారు అధికారులు. అంతేకాదు వాల్మార్ట్ను ఖాళీ చేశారు. ఆ ప్రాంతం వైపు ఎవరూ రాకూడదంటూ పోలీసులు హెచ్చరించారు.
తొమ్మిది సీట్లు ఉన్న చిన్న విమానాన్ని టుపెలో ఎయిర్పోర్ట్ నుంచి 29 ఏళ్ల యువకుడు దొంగిలించాడు. అప్పటినుంచి దాన్ని కూల్చేస్తానంటూ గాలిలో చక్కర్లు కొడుతూ బెదిరించాడు. దీంతో పోలీసులు, అంబులెన్స్లు, అగ్నిమాపక బృందాలు అలర్ట్ అయ్యాయి. అధికారులు – ఆ పైలట్తో మాట్లాడారు. అయినా ఫలితం లేకుండా పోయింది. అయితే, అతను విమానాన్ని ఎందుకు ఎత్తుకెళ్లాడు, ఎందుకిలా బెదిరింపులకు పాల్పడ్డానేది మాత్రం ఇంకా తెలియరాలేదు. నిందితుడు పోలీసుల అదుపులో ఉన్నట్లు తెలుస్తోంది. అయితే, విమానం చెక్కర్లు కొట్టడానికి సంబంధించిన వీడియో సోషల్ మీడియాలో విపరీతంగా వైరల్ అవుతోంది.
Currently we have a 29yr old who stole this plane & is threatening to crash it into something. Polices ,ambulances ,& fire trucks are everywhere. Everything is shutdown rn pic.twitter.com/AzebdIa3tP
— City King (@CityKing_Gank_) September 3, 2022
మరిన్ని అంతర్జాతీయ వార్తల కోసం ఈ లింక్ క్లిక్ చేయండి..
