UAE Ban Travel :14 దేశాలకు ప్రయాణ నిషేధం విధించిన యూఏఈ..! భారత్, పాకిస్తాన్‌ తో సహా ఈ దేశాలకు వెళ్లలేరు..

UAE Bans Travel : పెరుగుతున్న కరోనా వైరస్ కేసులను దృష్టిలో ఉంచుకుని యునైటెడ్ అరబ్ ఎమిరేట్స్ పౌరులు ఇకపై భారతదేశం,

Uae Bans Travel

uppula Raju |

Updated on: Jul 02, 2021 | 9:26 AM

UAE Bans Travel : పెరుగుతున్న కరోనా వైరస్ కేసులను దృష్టిలో ఉంచుకుని యునైటెడ్ అరబ్ ఎమిరేట్స్ పౌరులు ఇకపై భారతదేశం, పాకిస్తాన్ సహా అనేక దేశాలకు వెళ్లలేరు. జూలై 21 వరకు ఈ దేశాలకు వెళ్లవద్దని యుఎఈ పౌరులకు ఉత్తర్వులు జారీ చేసింది. నిషేధిత దేశాల జాబితాలో భారత్, పాకిస్తాన్, బంగ్లాదేశ్, నేపాల్, శ్రీలంక పేర్లు ఉన్నాయి. విదేశాంగ మంత్రిత్వ శాఖ, జాతీయ అత్యవసర, సంక్షోభ, విపత్తు నిర్వహణ అథారిటీ ఈ సమాచారం తెలియజేసింది. దీంతో పాటు కోవిడ్ -19 వ్యాప్తిని నివారించడానికి (యుఎఇ ట్రావెల్ బాన్) ప్రయాణించేటప్పుడు అన్ని నివారణ చర్యలను అనుసరించాలని దేశ పౌరులను కోరారు. గురువారం ఈ ఉత్తర్వుకు ముందు 14 దేశాలకు విధించిన ప్రయాణ నిషేధాన్ని జూలై 21 వరకు పొడిగించారు.

కార్గో విమానాలకు తగ్గింపు యునైటెడ్ అరబ్ ఎమిరేట్స్ సివిల్ ఏవియేషన్ అథారిటీ 14 దేశాల నుంచి లైబీరియా, నమీబియా, సియెర్రా లియోన్, డెమొక్రాటిక్ రిపబ్లిక్ ఆఫ్ కాంగో, ఉగాండా, జాంబియా, వియత్నాం, ఇండియా, బంగ్లాదేశ్, నేపాల్, శ్రీలంక, నైజీరియా, దక్షిణాఫ్రికాలకు జూలై 21 వరకు విమానాలు నిలిపివేస్తారు. అయితే కార్గో విమానం, వ్యాపార సంబంధిత విమానాలు, చార్టర్డ్ విమానాలను ఈ పరిమితుల నుంచి మినహాయించారు.

ప్రజలకు జారీ చేసిన ఉత్తర్వు ప్రయాణ సమయంలో కరోనా వైరస్ బారిన పడితే అవసరమైన అన్ని మార్గదర్శకాలను పాటించాలని, సంబంధిత దేశ ఆరోగ్య ప్రోటోకాల్‌లను పాటించాలని యఏఈ తన పౌరులను కోరింది. ఇది కాకుండా కోవిడ్ -19 బారిన పడినట్లు ప్రజలు కనుగొంటే, ఆ దేశంలో ఉన్న యుఎఈ రాయబార కార్యాలయానికి కూడా తెలియజేయాలన్నారు. ప్రపంచంలో మరోసారి కరోనా వైరస్ కేసులు పెరుగుతున్నాయని కొత్త వేరియంట్ అందరినీ కలవరపెడుతుందని అందరు జాగ్రత్తగా ఉండాలని హెచ్చరించింది.