ఘోర ప్రమాదం..! గాల్లో ఉండగానే రెండు హెలికాఫ్టర్లు ఢీ.. నలుగురు మృతి, ముగ్గురికి తీవ్ర గాయాలు
రెండు హెలికాఫ్టర్లు గాల్లోనే ఢీకొన్న ఘటన సోమవారం మధ్యాహ్నం (జనవరి 2) ఆస్ట్రేలియాలో చోటుచేసుకుంది. ఈ ఘటనలో నలుగురు మృతి చెందగా, ముగ్గురు తీవ్రంగా గాయపడ్డారు..
రెండు హెలికాఫ్టర్లు గాల్లోనే ఢీకొన్న ఘటన సోమవారం మధ్యాహ్నం (జనవరి 2) ఆస్ట్రేలియాలో చోటుచేసుకుంది. ఈ ఘటనలో నలుగురు మృతి చెందగా, ముగ్గురు తీవ్రంగా గాయపడ్డారు. ప్రస్తుతం వీరి పరిస్థితి విషమంగా ఉన్నట్లు సమాచారం. ఆస్ట్రేలియాలోని క్వీన్స్‌లాండ్‌కు చెందిన గోల్డ్‌కోస్ట్‌ టూరిస్ట్ హాట్‌స్పాట్‌లో ఈ ప్రమాదం జరిగింది
గోల్డ్ కోస్ట్ బీచ్‌లోని సీ వరల్డ్ థీమ్ పార్క్ సమీపంలో ఓ హెలికాప్టర్ టేకాఫ్ అవుతుండగా మరొకటి ల్యాండింగ్ అయినట్లు క్వీన్స్‌లాండ్ రాష్ట్ర పోలీసు యాక్టింగ్ ఇన్‌స్పెక్టర్ గ్యారీ వోరెల్ ఓ ప్రకటనలో తెలిపారు. మొదటి హెలికాఫ్టర్ పూర్తిగా ధ్వంసం అవ్వగా.. మరొకటి పాక్షికంగా దెబ్బతింది. ప్రమాదంలో గాయపడిన ముగ్గురు వ్యక్తులు హెలికాప్టర్‌లలోని ప్రయాణీకులే కావడం విశేషం. హెలికాప్టర్ల క్రాష్‌కు సంబంధించిన ఫుటేజీలో ఒక హెలికాఫ్టర్ టేకాఫ్ అయిన కొద్దిసేపటికే దాని సమీపంలోని మరో హెలికాఫ్టర్ కూలిపోయినట్లు కనిపిస్తోంది. ఘటనా స్థలానికి చేరుకున్న రెస్క్యూ టీం సహాచర్యలు చేపట్టింది. హెలికాఫ్టర్ల క్రాష్‌కు గల కారణాలపై దర్యాప్తుకు ఆదేశించినట్లు అధికారులు తెలిపారు. జనవరిలో ఆస్ట్రేలియాలో వేసవి కాలం నడుస్తున్నందున్న గోల్డ్ కోస్ట్ ప్రాంతం పర్యాటకులతో అత్యంత రద్దీగా ఉంటుంది.
మరిన్ని అంతర్జాతీయ వార్తల కోసం క్లిక్‌ చేయండి.
