Shehbaz Sharif: పాకిస్తాన్ ప్రధానిగా షాబాజ్ షరీఫ్.. రేపు ప్రమాణ స్వీకారం.. ఆయన రాజకీయ చరిత్ర ఇదే..!
Shehbaz Sharif: పాకిస్తాన్ రాజకీయ సంక్షోభంలో కీలక పరిణామం చోటు చేసుకుంది. అర్ధరాత్రి వరకు కొనసాగిన హైడ్రామాకు తెర పడింది. ఇమ్రాన్‌ఖాన్‌ (Imran Khan)పై చేపట్టిన అవిశ్వాస..
Shehbaz Sharif: పాకిస్తాన్ రాజకీయ సంక్షోభంలో కీలక పరిణామం చోటు చేసుకుంది. అర్ధరాత్రి వరకు కొనసాగిన హైడ్రామాకు తెర పడింది. ఇమ్రాన్‌ఖాన్‌ (Imran Khan)పై చేపట్టిన అవిశ్వాస తీర్మానం టెన్షన్‌ వాతావరణం నెలకొంది. పాకిస్తాన్ జాతీయ అసెంబ్లీ (National Assembly)లో అర్ధరాత్రి జరిగిన అవిశ్వాస తీర్మానంలో ఇమ్రాన్‌ఖాన్‌ ప్రభుత్వం (Imran Government)కుప్పకూలిపోయింది. సరైన బలం లేకపోవడంతో ఇమ్రాన్ సర్కార్‌ దిగిపోయింది. దీంతో రేపు కొత్త ప్రధాన మంత్రిగా ప్రమాణ స్వీకారం కార్యక్రమం జరగనుంది. పాకిస్తాన్ ముస్లిం లీగ్ ఎన్ నాయకుడు, మాజీ ప్రధాని నవాజ్ షరీఫ్ సోదరుడు షాబాజ్ షరీఫ్ (Shehbaz Sharif) సమర్థవంతమైన పరిపాలనాదక్షుడిగా పేరు పొందారు. ప్రస్తుతం పాకిస్థాన్‌లో ప్రతిపక్ష నాయకుడిగా ఉన్న ఆయన ఇమ్రాన్ ప్రభుత్వంపై పలు అంశాలపై విమర్శలు గుప్పిస్తున్నారు. అతను పంజాబ్ ప్రావిన్స్ (పాకిస్తాన్)కి మూడుసార్లు ముఖ్యమంత్రిగా పనిచేశాడు. 1997 ఫిబ్రవరిలో తొలిసారి పంజాబ్ ముఖ్యమంత్రిగా ప్రమాణ స్వీకారం చేసి అక్టోబర్ 1999 వరకు సీఎంగా ఉన్నారు. దీని తరువాత, అతను జూన్ 2008 నుండి మార్చి 2013 వరకు రెండవసారి, తరువాత 2013 నుండి 2018 వరకు మూడవసారి పంజాబ్ ముఖ్యమంత్రిగా ఉన్నారు.
1951లో లాహోర్‌లో జన్మించిన షాబాజ్ షరీఫ్ పూర్తి పేరు మియాన్ ముహమ్మద్ షాబాజ్ షరీఫ్. అతని తండ్రి పేరు మర్హూమ్ మియాన్ మహమ్మద్ షరీఫ్. అతని అన్నయ్య నవాజ్ షరీఫ్ కూడా పాకిస్తాన్ ప్రధానమంత్రిగా పని చేశారు. అతను పాకిస్తాన్ సుప్రీం కోర్ట్ చేత అనర్హుడుగా ప్రకటించడంతో అతను కూడా తన పదవీకాలాన్ని పూర్తి చేయలేకపోయాడు. భారత్‌ నుంచి వచ్చి పాకిస్థాన్‌లో స్థిరపడ్డ కుటుంబం షాబాజ్ షరీఫ్ తండ్రి ముహమ్మద్ షరీఫ్ వ్యాపారవేత్త. అతని తల్లి పుల్వామా నివాసి. వ్యాపారం నిమిత్తం తరచూ కాశ్మీర్‌కు వెళ్లేవాడు. తరువాత అతని కుటుంబం పంజాబ్‌లోని అమృత్‌సర్‌లో స్థిరపడింది. బ్రిటీష్ రాజ్ నుండి స్వాతంత్ర్యం పొందిన సమయంలో 1947లో భారతదేశం పాకిస్తాన్ విభజించబడినప్పుడు, ముహమ్మద్ షరీఫ్ తన కుటుంబంతో లాహోర్‌లో స్థిరపడ్డారు. నవాజ్ షరీఫ్‌తో పాటు షాబాజ్‌కు మరో అన్నయ్య అబ్బాస్ షరీఫ్ కూడా ఉన్నారు. షాబాజ్ తన కజిన్‌ని 1973లో వివాహం చేసుకున్నాడు. అతనికి నలుగురు పిల్లలు ఉన్నారు. 2003లో రెండో పెళ్లి చేసుకున్నాడు.
వ్యాపారవేత్తగా కెరీర్ ప్రారంభం షాబాజ్ షరీఫ్ లాహోర్ ప్రభుత్వ కళాశాలలో గ్రాడ్యుయేషన్ పూర్తి చేసిన తర్వాత వ్యాపారవేత్తగా తన వృత్తిని ప్రారంభించాడు. అతను తన కుటుంబ వ్యాపారాన్ని చేపట్టాడు. 1985లో లాహోర్ ఛాంబర్ ఆఫ్ కామర్స్ అండ్ ఇండస్ట్రీకి అధ్యక్షుడయ్యాడు. అయితే ఆ తర్వాత రాజకీయాల్లోకి వచ్చారు. 1987 88 మధ్య కాలంలో క్రియాశీలక రాజకీయాలను ప్రారంభించారు. తన రాజకీయ జీవితంలో ఎన్నో ఎత్తుపల్లాలు చూశారు. అతను 1988 నుండి 1990 వరకు పంజాబ్ శాసనసభ సభ్యుడు, షాబాజ్ 1990 నుండి 1993 వరకు జాతీయ అసెంబ్లీ సభ్యుడు కూడా గెలుపొందారు.
మనీలాండరింగ్ కేసులో జైలుకు.. షాబాజ్ షరీఫ్ కోట్లాది రూపాయల దుర్వినియోగం చేసి జైలుకు కూడా వెళ్లాడు. సెప్టెంబర్ 2020లో, మనీలాండరింగ్ కేసులో షాబాజ్ షరీఫ్‌ను NAB అరెస్టు చేసింది. నిరసనల కారణంగా రాజకీయ వైరంతో ఈ చర్య తీసుకున్నారని ఆయన పార్టీ ప్రభుత్వంపై ఆరోపించింది. అతని బెయిల్ అభ్యర్థనను లాహోర్ హైకోర్టు తిరస్కరించింది. ఆ తర్వాత అతన్ని కోర్టు గది నుండే అరెస్టు చేశారు. ఏప్రిల్ 2021 లో అతను లాహోర్ హైకోర్టు నుండి బెయిల్ పొందాడు. అయితే ఆయనపై ఈ కేసు ఇప్పటికీ కొనసాగుతోంది.
ఇవి కూడా చదవండి: