IPhone XS Fall in Sea: ఫోటో తీస్తుండగా సముద్రంలో పడిన సెల్ ఫోన్.. దానికోసం గడ్డకట్టే నీటిలో దూకిన వ్యక్తి ఎక్కడంటే..!

IPhone XS Fall in Sea: ప్రస్తుతం గాలి పీల్చకుండానైనా మనిషి క్షణ కాలం జీవిస్తాడేమోగానీ.. చేతిలో ఫోన్ లేకుండా అరక్షణం కూడా బతకలేడు.. ప్రపంచాన్ని అంతటినీ అరచేతిలో చూపించే ఈ స్మార్ట్ ఫోన్.. మనిషికి మనిషి ఏమీ కాకుండా చేస్తోంది. ఇక అలాంటి ఫోన్ సముద్రంలో పడిపోతే ఓ వ్యక్తి ఏకంగా ఆ ఫోన్ కోసం ప్రాణాలను సైతం లెక్క చేయకుండా ఆ సముద్రంలో దూకాడు.. మంచు వంటి చల్లటి నీటిలో దూకి ఫోన్ ను రక్షించుకున్న ఘటన ఒకటి కెనడాలో చోటు చేసుకుంది. వివరాల్లోకి వెళ్తే..

కెనడాలోని విక్టోరియాకు చెందిన రోమన్ జార్నోమ్స్ అనే వ్యక్తి ఫిబ్రవరి 14 న విక్టోరియా హార్బర్ వద్ద నడుచుకుంటూ వెళ్తున్నాడు.. ఆ సమయంలో ఎంప్రస్ వద్ద నీరు గడ్డకడుతున్న సుందర దృశ్యాన్ని చూశాడు.. వెంటనే దానిని తన సెల్ లోని కెమెరాతో బంధించాలని భావించాడు. అయితే జార్నోమ్స్ చేతి నుంచి ఐఫోన్ XS ఫోన్ జారిపడి నేరుగా విక్టోరియా నదిలో సముద్రంలో పడిపోయింది. ఆ ఫోన్ ను సముద్రం నుంచి తీసుకోవడానికి అతను గడ్డకట్టే నీటిలో దూకి…. కొన్ని గంటల పాటు ఆ గడ్డ కట్టే నీటిలో చలికి తట్టుకుంటూ ఫోన్ వెదికి తీసుకున్నట్లు తెలుస్తోంది. ఇలా ఫోన్ ను తీసుకోవడంకోసం విక్టోరియా నౌకాశ్రయంలో వెలుతురు వచ్చే వరకూ వేచి ఉన్నానని జార్నోమ్స్ చెప్పాడు.

అయితే ఈ ఫోన్ నీటిలో మునిగిపోయినప్పటికీ బాగా పనిచేస్తోందని సంతోషంవ్యక్తం చేస్తున్నాడు జార్నోమ్స్. అయితే ఎన్ని రోజులు పనిచేస్తుందనేది తనకు తెలియదని చెప్పాడు.. ఇక ఈ ఐఫోన్ XS ఫోన్ 2018 లో లాంచ్ అయ్యింది.. అప్పట్లోనే ఈ ఫోన్ దుమ్ము, నీటిలో పడినా సురక్షితంగా ఉంటుందని కంపెనీ రిలీజ్ చేసింది. ఈ ఫోన్ కు అప్పట్లోనే భారీ రేటింగ్ సంపాదించుకుంది.

Victoria man jumps into the freezing inner harbour to rescue his iPhone. ? Wondering if it worked afterwards?

We have the answer here: https://t.co/K9jRSKLvca#victoriabuzz #yyj pic.twitter.com/ANBbubFAQT

— Victoria Buzz (@victoriabuzzes) February 16, 2021

అప్పు తీర్చలేదని మహిళ లోదుస్తులను వేలానికి పెట్టి సరికొత్త ట్రెండ్ సెట్ చేసిన దేశం..

గాల్వన్‌ ఘటనపై నోరు విప్పిన జిత్తుల మారి.. తమ సైనికులు కూడా చనిపోయారంటూ నిజాన్ని అంగీకరించిన చైనా