ట్రంప్‌ ట్వీట్‌..గ్రెటా రిటార్డ్‌

అమెరికా అధ్యక్షుడు ట్రంప్‌ తీరే వెరైటీగా ఉంటుంది. తన హావభావాలు, కాంట్రవర్సీ కామెంట్స్‌తో ఎప్పుడూ వార్తల్లో ఉంటారు. తాజాగా పర్యావరణ పరిరక్షణ కోసం ఉద్యమిస్తున్న స్వీడెన్‌ బాలిక గ్రెటా థెన్‌బర్గ్‌పై నోరు పారేసుకున్నారు. ఆమెపై తనదైన శైలిలో వ్యంగ్యంగా ట్వీట్‌ చేశారు.

ఇటీవల ప్రముఖ టైమ్‌ మ్యాగజైన్‌..పర్సన్‌ ఆఫ్‌ ది ఇయర్‌ 2019గా గ్రెటా థన్‌బర్గ్‌ను ప్రకటించిం మ్యాగజైన్‌ కవర్‌ పేజీపై ఆమె ఫొటోను వేసినట్లు ప్రకటించింది. దీంతో ఆమెపై ప్రశంసల వర్షం కురుస్తోంది. ప్రఖ్యాత అమెరికా రైటర్‌ రోమా డౌనీకి కూడా గ్రెటాకు అభినందనలు తెలిపారు. దీనిపై తన అక్కసును ప్రదర్శించారు. ఇది చాలా హాస్యాస్పదం. గ్రెటా తన కోపాన్ని కంట్రోల్‌ చేసుకోవడంపై దృష్టి సారించాలి. తన స్నేహితునితో కలిసి ఓ మంచి సినిమాకు వెళ్లాలని..చిల్‌ గ్రెటా చిల్‌ అని ట్వీట్‌ చేశారు.

ఇక ట్రంప్‌ ట్వీట్‌కు అదే రీతిలో కౌంటర్‌ ఇచ్చింది గ్రెటా. ట్విట్టర్ లో తన బయోడేటాను మార్చేసింది. తాను కోపాన్ని కంట్రోల్‌ చేసుకోవడంపై దృష్టి సారించిన టీనేజర్నని, ప్రస్తుతం ఒక ఫ్రెండ్‌తో కలిసి సినిమా చూస్తూ ఆనందిస్తున్నానని ట్వీట్‌ చేసింది. దీంతో చక్కగా స్పందించావంటూగ్రెటాను అభినందిస్తున్నారు నెటిజన్లు.