Indian Students: కెనడాలో ఘోర రోడ్డు ప్రమాదం.. ఐదుగురు భారతీయ విద్యార్థుల దుర్మరణం..
Canada Road Accident: కెనడాలో జరిగిన ఘోర రోడ్డుప్రమాదంలో ఐదుగురు భారతీయ విద్యార్థులు దుర్మరణం చెందారు. టోరంటో సమీపంలోని ఒంటారియో హైవేపై
Canada Road Accident: కెనడాలో జరిగిన ఘోర రోడ్డుప్రమాదంలో ఐదుగురు భారతీయ విద్యార్థులు దుర్మరణం చెందారు. టోరంటో సమీపంలోని ఒంటారియో హైవేపై ఈ రోడ్డు ప్రమాదం జరిగింది. ఈ ప్రమాదంలో ఐదుగురు మరణించగా.. మరో ఇద్దరికి తీవ్రగాయాలయ్యాయి. ప్రస్తుతం వారు ఆసుపత్రిలో చికిత్స పొందుతున్నారు. టోరంటోలో శనివారం మినీ వ్యాన్ – ఆటో ఢీకొన్నాయి. ఈ ఘటనలో ఆటోలో ప్రయాణిస్తున్న ఐదుగురు భారతీయ విద్యార్థులు మృతిచెందగా మరో ఇద్దరికి గాయాలయ్యాయని స్థానిక అధికారులు తెలిపారు. మృతులను హర్‌ప్రీత్‌సింగ్‌, జస్పీందర్‌సింగ్‌, కరణ్‌పాల్‌సింగ్, మోహిత్‌ చౌహాన్‌, పవన్‌కుమార్‌ గా పోలీసులు గుర్తించారు.
క్షతగాత్రులను ఆస్పత్రిలో చేర్చి చికిత్స అందిస్తున్నట్లు కెనడాలో భారత రాయబారి అజయ్ బిసారియా వెల్లడించారు. మృతుల కుటుంబాలకు తమ ప్రగాఢ సానుభూతి తెలుపుతున్నట్లు ట్విటర్‌లో వేదికగా వెల్లడించారు. కాన్సులేట్ బృందం బాధితుల స్నేహితులతో సంప్రదింపులు జరుపుతోందని అజయ్ బిసారియా పేర్కొన్నారు. అయితే.. మృతదేహాలను స్వదేశానికి తీసుకొచ్చేందుకు ప్రయత్నాలు జరుగుతున్నాయి.
5 Indian students passed away in an auto accident near Toronto on Saturday, March 13. Two others in hospital. Team of Consulate General of India in Toronto in touch with friends of the victims for assistance: Ajay Bisaria, High Commissioner of India to Canada
— ANI (@ANI) March 14, 2022
కాగా.. చదువు కోసం వెళ్లిన ఐదుగురు విద్యార్థులు మరణించడంతో ఆయా కుటుంబాల్లో తీవ్ర విషాదం అలుముకుంది.
Also Read:
Triple Murder Case: కువైట్ త్రిపుల్ మర్డర్ కేసు.. టీవీ9 కథనాలకు స్పందించిన ఇండియన్ ఎంబసీ అధికారులు..
Russia Ukraine War: ఉక్రెయిన్‌ దాడుల్లో అమెరికన్‌ జర్నలిస్ట్‌ మృతి.. మరొకరి తీవ్ర గాయాలు..
