Afghanistan’s Taliban: మహిళలు పాల్గొన్న కార్యక్రమాల ప్రసారాలను ఆపేయండి.. టీవీ ఛానళ్లకు తాలిబాన్ల ఆదేశం..
ఆఫ్ఘానిస్తాన్‌లోని తాలిబాన్ ప్రభుత్వం ఆదివారం కొత్త “మత మార్గదర్శకం” జారీ చేశారు. మహిళా నటీనటులు నటించిన చిత్రాలు, డ్రామాలు ప్రదర్శించడాన్ని నిలివేయాలని ఆ దేశంలోని టెలివిజన్ ఛానళ్లను ఆదేశించింది...
ఆఫ్ఘానిస్తాన్‌లోని తాలిబాన్ ప్రభుత్వం ఆదివారం కొత్త “మత మార్గదర్శకం” జారీ చేశారు. మహిళా నటీనటులు నటించిన చిత్రాలు, డ్రామాలు ప్రదర్శించడాన్ని నిలివేయాలని ఆ దేశంలోని టెలివిజన్ ఛానళ్లను ఆదేశించింది. తాలిబాన్ మహిళా టెలివిజన్ జర్నలిస్టులు తమ నివేదికలను సమర్పించేటప్పుడు ఇస్లామిక్ హిజాబ్‌లను ధరించాలని చెప్పారు. ప్రవక్త ముహమ్మద్, ఇతర గౌరవనీయమైన వ్యక్తులను చూపించే సినిమాలు, కార్యక్రమాలను ప్రసారం చేయవద్దని సమాచార మంత్రిత్వ శాఖ స్పష్టం చేసింది.
ఇస్లామిక్, ఆఫ్ఘాన్ విలువలకు విరుద్ధమైన సినిమాలు లేదా కార్యక్రమాలను నిషేధించాలని ఆదేశించింది. ఈసారి తాము మరింత మధ్యస్తంగా పాలిస్తామని నొక్కి చెబుతున్నప్పటికీ, తాలిబాన్లు ఇప్పటికే విశ్వవిద్యాలయంలో మహిళలు ఎలాంటి దుస్తులు ధరించాలో నిబంధనలను ప్రవేశపెట్టారు. పత్రికా స్వేచ్ఛను సమర్థిస్తానని వాగ్దానం చేసినప్పటికీ పలువురు ఆఫ్ఘన్ జర్నలిస్టులను వేధించారు.
2001లో తాలిబాన్ల ప్రభుత్వాన్ని కూల్చివేసిన వెంటనే పాశ్చాత్య దేశాలో సహాయంతో డజన్ల కొద్దీ టెలివిజన్ ఛానెల్‌లు, రేడియో స్టేషన్‌లు ఏర్పాటు చేశారు. గత 20 సంవత్సరాలలో ఆఫ్ఘన్ TV ఛానెళ్లు “అమెరికన్ ఐడల్” శైలి పాటల పోటీ నుండి అనేక రకాల కార్యక్రమాలను అందించాయి. మ్యూజిక్ వీడియోలు, అనేక టర్కిష్, ఇండియన్ వీడియోలు టెలికాస్ట్ చేశారు. గతంలో 1996 నుండి 2001 వరకు పాలించినప్పుడు ఆఫ్ఘన్లో మీడియా లేదు. వారు TV, చలనచిత్రాలు, ఇతర వినోద రూపాలను అనైతికంగా భావించి నిషేధించారు. టీవీ చూస్తూ పట్టుబడిన వ్యక్తులు తమ సెట్‌ను ధ్వంసం చేయడంతో సహా శిక్షను ఎదుర్కొన్నారు.
