Golden Chariot: స్వర్ణ రథంపై బ్రిటన్‌ రాజు.. పట్టాభిషేకానికి పయనం.. కన్నుల విందుగా వీడియో..

బ్రిటన్‌ రాణి క్వీన్‌ ఎలిజబెత్‌-2 మరణంతో ఆమె పెద్ద కుమారుడు, వేల్స్‌ మాజీ యువరాజు ఛార్లెస్‌ నూతన రాజుగా పట్టాభిషిక్తుడు కానున్నారు. 73 ఏళ్ల వయసులో ఈ పదవిని అలంకరించనున్న తొలి రాజుగా ఛార్లెస్‌.. బ్రిటన్‌ రాజ చరిత్రలో నూతన అధ్యాయం లిఖించనున్నారు. కాగా బ్రిటన్ రాజు చార్లెస్ III పట్టాభిషేకం జూన్ 2023లో జరగవచ్చు. ఈ కార్యక్రమానికి ఆయన స్వర్ణరథంపై వెళ్లనున్నారు. 1762 నాటి గోల్డ్ స్టేట్ కోచ్ ఇప్పటి వరకు అన్ని పట్టాభిషేకాల్లో ఉపయోగించబడింది. ఈ బంగారు రథాన్ని 1762లో బ్రిటిష్ రాజులు, రాణుల ప్రయాణాల కోసం తయారు చేశారు. ఈ రాయల్ రైడ్ పట్టాభిషేకాలు, వార్షికోత్సవాలు, ఈవెంట్‌ల కోసం వినియోగిస్తారు. ఈ స్వర్ణ రథాన్ని విలియం ఛాంబర్స్ రూపొందించగా.. శామ్యూల్ బట్లర్ నిర్మించారు. 1821లో జార్జ్ IV పట్టాభిషేకం జరిగినప్పటి నుండి ప్రతి పట్టాభిషేకంలో ఇది ఉపయోగిస్తూ వచ్చారు. ఈ రథం పొడవు ఏడు మీటర్లు, ఎత్తు 3.6 మీటర్లు. కాగా 4 టన్నుల బరువు కలిగిన ఈ రథాన్ని 8 అశ్వాలు లాగుతాయి. గిల్ట్‌వుడ్‌తో తయారు చేసిన ఈ రథానికి పైన బంగారు పూత పూసారు. లోపల వెల్వెట్‌తో తయారు చేయబడింది. ఇక ఈ రథంలో రోమన్ దేవీదేవతల అద్భుతమైన చిత్రాలు ఉంటాయి. క్వీన్ ఎలిజబెత్ II పట్టాభిషేకం 1953లో ఈ బంగారు రథంపైనే జరిగింది. రాణి ప్లాటినం జూబ్లీ సందర్భంగా కూడా ఈ రథాన్ని ప్రదర్శించారు. అందులో ఎలిజబెత్ II హోలోగ్రామ్ ఉంది. ఇప్పుడు చాలా కాలం తర్వాత ఆ బంగారు రథం బయటకు రానుంది.

మరిన్ని వీడియోస్ కోసం:
Videos

Army Dog: ఆర్మీ డాగా మజాకా..! రెండు బుల్లెట్లు దిగినా వెనుకడుగు వేయని ఆర్మీ డాగ్.. ఇద్దరు ముష్కరులు హతం.

woman death: “సమాధిలోకి వెళుతున్నా..చనిపోబోతున్నా..” అంటూ బామ్మ కలకలం..వీడియో

Woman paraded: దొంగ అరాచకం.. మహిళను వీధుల్లో నగ్నంగా తిప్పాడు.. నెట్టింట హల్ చల్ చేస్తున్న వీడియో.