పర్యాటకులకు కనిపించిన అద్భుతం.. పులి ఏం చేసిందంటే?

మైసూరులోని దండనకట్టెలో కనిపించిన ఈ అరుదైన దృశ్యం పర్యాటకుల హృదయాలను తాకింది. వన్యమృగాలను దగ్గర నుంచి చూడాలని కొందరు జంతు ప్రేమికులు, ప్రకృతి ప్రేమికులు సఫారీలకు వెళుతుంటారు. అలా కొందరు వెళ్ళిన సమయంలో ఓ పెద్ద పులి తన పులి కూనలతో కలిసి రోడ్డు దాటుతోంది. దూరంగా వాహనంలో ఉన్నవారు ఈ దృశ్యాన్ని చూస్తూ ఉండిపోయారు. పులి పిల్లల్లో ఒకదాన్ని నోట కరుచుకొని ముందు నడుచుకుంటూ వెళుతుండగా మిగతా పులి కూనలు తల్లిపులిని అనుసరిన్చాయి. ఈ క్యూట్ దృశ్యాన్ని పర్యాటకులు తమ కెమెరాలలో బంధించారు. ఎప్పుడూ జంతువులను వేటాడుతూ గంభీరంగా కనిపించే పెద్ద పులిలో తల్లి ప్రేమను చూసి ముగ్దులైపోయారు. చిటి చిటి అడుగులతో తల్లి వెంట పరుగెడుతున్న చిన్ని చిన్ని పులి కూనలు అందరినీ ఆకట్టుకున్నాయి. ఈ వీడియో సోషల్ మీడియాలో పోస్ట్ చేయడంతో వైరల్ గా మారింది. ఈ వీడియో నెటిజన్లను సైతం కట్టిపడేస్తోంది.