ఒక్క క్షణం ఆలస్యమైతే అంతే.. వీడియో

 ఈ ఘటన చూస్తే అది నిజమే అనిపిస్తుంది. ఓ వ్యక్తి బైక్ పై వెళుతూ తృటిలో పెను ప్రమాదం నుంచి తప్పించుకున్నాడు. దీనికి సంబంధించిన వీడియా సోషల్ మీడియాలో వైరల్ అవుతోంది. శనివారం రాత్రి 10:30 గంటల సమయంలో ఓ డెలివరీ బాయ్ స్కూటర్ పై వెళుతున్నాడు. అతను వెళుతున్న రోడ్డు పక్కన ఓ పెద్ద చెట్టు ఉంది. ఆ రోడ్డు మీదగా పలు వాహనాలు వస్తూ పోతూ ఉన్నాయి. సడన్ గా డెలివరీ బాయ్ కూడా అదే రోడ్డుపై వెళుతున్నాడు. సరిగ్గా ఆ చెట్టు దగ్గరికి వచ్చేసరికి ఒక్కసారిగా పెద్ద చెట్టు కొమ్మ విరిగి పడింది. రెప్పపాటులో ఆ డెలివరీ బాయ్ స్కూటర్ ముందుకు వెళ్లడంతో పెను ప్రమాదం తప్పింది. వెన్ను వణుకు పుట్టిస్తున్న ఈ ఘటన మహారాష్ట్రలోని విరార్ ప్రాంతంలో జరిగింది. ఈ దృశ్యాలు అక్కడి సీసీ కెమెరాలలో రికార్డు అయ్యాయి. చెట్టు కొమ్మలు విరిగి పడటంతో డెలివరీ బాయ్ కు స్వల్ప గాయాలయ్యాయి. ఈ వీడియో చూసిన నెటిజన్లు రకరకాల కామెంట్లు పెడుతున్నారు.