నన్ను వదిలేసి వెళ్లిపోతున్నావా నేస్తమా? వీడియో

రుణానుబంధానికి మనుషులు, జంతువులనే తేడా ఉండదు అనడానికి ఈ ఘటనే నిదర్శనం. సూర్యాపేట జిల్లా పాలకవీడు మండలం మీగడం పాడుతండాకు చెందిన గిరిజన రైతు రూపావత్ చిన్నా నాయక్ కొంత కాలంగా అనారోగ్యంతో బాధపడుతున్నాడు. ఇటీవల ఆరోగ్య పరిస్థితి విషమించడంతో చిన్నా నాయక్ ను మిర్యాలగూడలోని ఓ ఆసుపత్రికి తరలించారు. చికిత్స పొందుతూ చిన్నా నాయక్ చనిపోవడంతో కుటుంబ సభ్యులు మృతదేహాన్ని ఫ్రీజర్ లో ఇంటికి తీసుకువచ్చారు. బంధుమిత్రుల ఆఖరి చూపుకోసం ఉంచారు. ఇంతలో అక్కడికి ఆ గ్రామంలో సంచరించే ఆంబోతు వచ్చింది. ఫ్రీజర్ లో ఉంచిన చిన్నానాయక్‌ మృతదేహాన్ని చూసి.. అక్కడే ఆగిపోయింది. మిత్రమా నన్ను వదిలేసి శాశ్వతంగా వెళ్లిపోతున్నావా… అన్నట్టుగా నాయక్ తల వద్ద పడుకొని, మూగగా రోధించింది.దీంతో అక్కడున్న వారందరూ ఆ మూగజీవి ప్రేమకు ఆశ్చర్యపోయారు. ఆఖరి చూపు కోసం వచ్చిన బంధువులు… అంత్యక్రియలు నిర్వహించేందుకు ఏర్పాట్లు పూర్తి చేసి.. నాయక్ మృతదేహాన్ని కదలించేందుకు ప్రయత్నించినా.. ఆ ఆంబోతు అక్కడి నుంచి లేవకుండా కన్నీరు కారుస్తూనే ఉండిపోయింది. గిరిజన తండాలలో పశువులను కూడా దైవంగా భావిస్తారు. కొన్నేళ్ళ క్రితం గ్రామస్తులు ఓ కోడెదూడను ఆంబోతుగా వదిలారు. నాటి నుంచి అది గ్రామంలో తిరుగుతూ అప్పుడప్పుడు ఇంటి ముందుకు వచ్చేదని, దానికి చిన్నా నాయక్ దాణా పెడుతుండే వాడని కుటుంబ సభ్యులు తెలిపారు. ఆ ఆంబోతు పెంపుడు జంతువు కానప్పటికీ.. ఇలా ఆత్మీయత ప్రదర్శించడం ఆశ్చర్యానికి గురిచేసిందనీ గ్రామస్తులు చెబుతున్నారు. మానవ సంబంధాలన్నీ ఆర్థిక సంబంధాలుగా మారిపోతున్న నేటి రోజుల్లో మూగజీవాల విశ్వాసం, ఆత్మీయత సాటిలేనిది అన్నారు.

మరిన్ని వీడియోల కోసం:

ఆసుపత్రిలోకి వచ్చిన ఎద్దు .. ఏం చేసిందంటే వీడియో

పెరట్లో వింత శబ్దాలు.. ఏంటా అని చూడగా…హడల్‌ వీడియో

కూతురు అప్పగింతల వేళ అనుకోని ఘటన.. అయ్యో పాపం వీడియో