ప్రశాంతంగా నడుస్తున్న టైగర్‏ను పరుగులు పెట్టించిన వాటర్… పాపం వణికిపోయిన చిరుతపులి.. వీడియో వైరల్..

Viral Video: చిరుత పులి.. అడవిలో ఉండే మిగతా జంతువుల నుంచి పట్టణాల్లో ఉండే మనుషుల వరకు ప్రతి ఒక్కరిని భయపెట్టించే జంతువు. కంటికి కనిపిస్తే.. వేటాడకుండా వదలదు. పరుగులో దానిని మించి మరే జంతువు ఉండదు.

Tiger Funny Video

Rajitha Chanti |
Updated on: Apr 14, 2021 | 7:49 PM

Viral Video: చిరుత పులి.. అడవిలో ఉండే మిగతా జంతువుల నుంచి పట్టణాల్లో ఉండే మనుషుల వరకు ప్రతి ఒక్కరిని భయపెట్టించే జంతువు. కంటికి కనిపిస్తే.. వేటాడకుండా వదలదు. పరుగులో దానిని మించి మరే జంతువు ఉండదు. అందుకే కంటికి చిక్కి పారిపోవాలనుకొని ప్రయత్నించిన ప్రతి జంతువును వెంటాడి మరీ నోటికందించుకుంటుంది. అలాంటి చిరుతపులిని కేవలం నిశ్చలంగా ఉన్న నీళ్ళు భయపెట్టాయంటే నమ్ముతారా ? కానీ ఇది నిజం. ప్రశాంతంగా నడుస్తున్న పులిని ఒక్కసారిగా భయానికి గురిచేశాయి. దీంతో ప్రాణాలు కాపాడుకోవడానికి ఆ చిరుత పులి ప్రయత్నించిన తీరు చూస్తుంటే నవ్వులు పూయిస్తుంది. ఇందుకు సంబంధించిన వీడియో ఒకటి సోషల్ మీడియాలో వైరల్ అవుతుంది.

ఆ వీడియో.. మంచుగా మారిపోయిన నీళ్ళ మీద ఓ చిరుత పులి ప్రశాంతంగా నడుస్తూ వస్తుంది. అలా వస్తున్న క్రమంలో ఓ చోట మంచు కాస్తా కరిగి ఒక్కసారిగా నీళ్ళలో పడిపోతుంది. వెంటనే అలర్ట్ అయిన చిరుత ఆ నీళ్ళలో నుంచి బయటకు వచ్చేస్తుంది. ఇక పులి నీళ్ళలో నుంచి బయటకు వచ్చిన తీరు చూస్తుంటే నవ్వులు పూయిస్తుంది. ఇది ఎక్కడ జరిగిందో తెలియదు కానీ.. నేచర్ అండ్ ఎనిమల్స్ అనే ట్వీట్టర్ యూజర్ ఈ వీడియోను షేర్ చేస్తూ.. సన్నని మంచు మీద నడుస్తున్న టైగర్.. ఏమి తప్పు జరిగింది.. అంటూ క్యాప్షన్ పెట్టారు. ప్రస్తుతం ఈ వీడియో సోషల్ మీడియాలో వైరల్‏గా మారింది. ఇప్పటివరకు ఈ వీడియోకు 1,75,000 వ్యూస్ వచ్చాయి. 2,700 మందికి పైగా లైక్స్ వచ్చాయి. ఈ వీడియో చూసిన నెటిజన్లు తమదైన స్టైల్లో స్పందిస్తున్నారు.

ట్వీట్..