స్నేహితుడి చెవి కొరికి నమిలి మింగేసిన యువకుడు! వీడియో

మహారాష్ట్రలోని థానే జిల్లా కేంద్రంలో దారుణం జరిగింది. హీరానందాని ఎస్టేట్‌లో 37 ఏళ్ల సినీ నిర్మాత శ్రావణ్ లీఖా, 32 ఏళ్ల ఐటీ ప్రొఫెషనల్ వికాస్ మీనన్ కలిసి నివసిస్తున్నారు. వీరిద్దరూ ముందు నుంచే స్నేహితులు కావడంతో కలిసి ఓ ఫ్లాట్ అద్దెకు తీసుకుని ఉంటున్నారు. అయితే ఫిబ్రవరి 26వ తేదీన తమ స్నేహితులను ఇంటికి పిలిచి పార్టీ చేసుకున్నారు. ఈ క్రమంలోనే వికాస్ మీనన్, శ్రావణ్‌ల మధ్య గొడవ ప్రారంభం అయింది. చిన్న విషయం గురించే వాదులాడుకున్న ఈ ఇద్దరు.. ఎవరూ వెనక్కి తగ్గలేదు. స్నేహితులు వద్దని చెబుతుండగానే.. వికాస్ మీనన్ తీవ్ర ఆగ్రహానికి గురయ్యాడు. ఒక్కసారిగా లేచి తన పక్కనే కూర్చున్న శ్రావణ్ వద్దకు వచ్చాడు. వెంటనే అతడి చెవిని నోటితో అందుకున్నాడు. ఆపై గట్టిగా కొరికేయగా.. కొతం భాగం తెగి పడింది. దాన్ని అలాగే నోట్లో వేసుకున్న వికాస్ మీనన్.. ఆపై నమిలి మింగేశాడు. ఇలా ఒక్కసారిగా జరిగిన ఈ దారుణ ఘటనలతో స్నేహితులతో పాటు శ్రావణ్ కూడా తీవ్రంగా భయపడిపోయాడు. వెంటనే అంతా అక్కడి నుంచి పరుగులు తీశారు. ముఖ్యంగా ఇంటి బయటకు వచ్చేసిన స్నేహితులు శ్రావణ్‌ను స్థానికంగా ఉన్న ఓ ఆస్పత్రికి తరలించారు. వైద్యులు పోలీసులకు సమాచారం అందించగా పోలీసులు వికాస్ మీనన్‌పై కేసు నమోదు చేసుకుని దర్యాప్తు చేస్తున్నారు.

మరిన్ని వీడియోల కోసం :

అవి ఖర్జూర పండ్లా.. బంగారు పండ్లా? వీడియో

అమెరికాలో కోమాలో భారతీయ విద్యార్థిని..తండ్రికి వీసా పై సందిగ్ధత ?వీడియో

ఈ చెప్పులు ఎత్తుకెళ్లాలంటే కష్టమే.. ఎందుకంటే? వీడియో

అంగారక గ్రహంపై పెద్ద సముద్రం.. ఆశ్చర్యపరుస్తున్న తాజా పరిశోధన వీడియో