ప్రేమ పెళ్లికి శిక్షగా.. పొలం దున్నించారు..
ఈ రోజుల్లో ప్రేమ పెళ్లి అనేది కామన్ అయిపోయింది. అయితే, నేటికీ కొన్ని మారుమూల ప్రాంతాల్లో పెద్దలు ఈ విషయంలో రాజీపడటం లేదు. కొన్ని సార్లు తమ అభిప్రాయాన్ని గౌరవించలేదంటూ కులసంఘాల పెద్దలు ప్రేమ జంటలకు కఠినమైన శిక్షలూ అమలు చేస్తున్నారు. తాజాగా అలాంటి ఘటనే ఒడిసాలో చోటుచేసుకుంది. ప్రేమించి పెళ్లిచేసుకున్న జంటను కాడెద్దులుగా మార్చి పొలం దున్నించారు అక్కడి గ్రామస్తులు.
ఒడిశా – రాయగడ జిల్లాలోని కంజమజ్జిరా గ్రామంలో ఓ యువకుడు, యువతి చాలాకాలంగా ప్రేమించుకొని.. పెద్దలను ఒప్పించి ఇటీవలే వివాహం చేసుకున్నారు. అయితే ఈ వివాహానికి కొందరు ఊరి పెద్దలు అభ్యంతరం వ్యక్తం చేశారు. గ్రామ ఆచారం ప్రకారం ఈ తరహా వివాహం అపచారమని వారు చెప్పుకొచ్చారు. ఈ జంట చేసిన పని మూలంగా ఊరికి పట్టిన అరిష్టం తొలగిపోవాలంటే.. వారిద్దరినీ కాడెడ్లుగా మార్చి పొలం దున్నించాలని తీర్మానించారు. దీంతో ఊరి జనమంతా కలిసి వారిని కాడికి కట్టి వారి చేత పొలం దున్నించారు. నాగలి లాగ లేక ఆ జంట కష్టపడుతుంటే.. వారిని వెనకనుంచి కర్రలతో అదిలిస్తూ.. మొత్తానికి వారిచేత పొలం దున్నించారు. అనంతరం వారిని సమీపంలోని ఆలయానికి తీసుకుపోయి పాప పరిహారం నిమిత్తం కొన్ని పూజలు చేయించారు. దీనికి సంబంధించిన వీడియో ప్రస్తుతం సోషల్ మీడియాలో సంచలనంగా మారింది.
మరిన్ని వీడియోల కోసం ఇక్కడ క్లిక్ చేయండి
Also Watch:
యానాం వద్ద దొరికిన తొలి పులస.. ధర తెలిస్తే షాకే..
పిల్లలు లేరని భార్యను వేధించాడు.. అంతే.. భర్తను కత్తితో పొడిచి..
పుష్ప సినిమాకు మించిన స్కెచ్.. మామూలుగా లేదుగా!
వరదకు కొట్టుకొచ్చిన 23 కేజీల బాహుబలి చేప..
నాగుల చవితి పర్వదినాన ఆలయంలో అద్భుతం..
బాసర ట్రిపుల్ ఐటీలో మురుగునీటి కలకలం..చర్మవ్యాధులతో విద్యార్థులు
ఇంటి కిటికీకి చుట్టుకుని కూర్చున్న భారీ కొండచిలువ..!
బంగాళాఖాతంలో మళ్లీ అలజడి..ఏపీకి మళ్లీ తుఫాన్ ముప్పు..

