బాబు..నువ్వు బంగారంరా.. వీడియో

మెదక్ జిల్లాకు చెందిన ఓ విద్యార్థి తన నిజాయితీని చాటుకున్నాడు. పోగొట్టుకున్న వ్యక్తికి రెండున్నర తులాల బంగారాన్ని తిరిగి అప్పగించి అందరి మన్ననలు పొందాడు. మెదక్ జిల్లా రామాయంపేటకు చెందిన ఓ వ్యక్తి తన కుమారుడిని స్థానిక తెలంగాణ ఆదర్శ పాఠశాలలో దింపేందుకు వచ్చాడు. ఈ క్రమంలో అతని చేతికి ఉన్న బంగారు బ్రేస్‌లెట్‌ పడిపోయింది. ఎంత వెతికినా అది దొరకకపోవడంతో నిరాశతో వెళ్లిపోయాడు. మరుసటి రోజు పాఠశాలకు వచ్చిన ఆరవ తరగతి చదువుతున్న హర్షిత్ అనే విద్యార్థికి ఆ బంగారు బ్రాస్‌లెట్ దొరికింది. ఆ బాలుడు ఎలాంటి ఆలోచన లేకుండా ఆ బ్రేస్‌లెట్‌ను నేరుగా తీసుకెళ్లి తన క్లాస్ టీచర్‌కు అప్పగించాడు. టీచర్ ఎంతో బాధ్యతగా బంగారం పోగొట్టుకున్న వ్యక్తిని గుర్తించి అతడికి అప్పగించారు. విద్యార్థి హర్షిత్ నిజాయితీని పాఠశాల యాజమాన్యం ప్రశంసించింది. పోగొట్టుకున్న రెండున్నర తులాల బంగారు బ్రేస్‌లెట్‌ లభించడంతో ఆ వ్యక్తి ఆనందానికి అవధుల్లేకుండాపోయాయి.

మరిన్ని వీడియోల కోసం :

బ్యాక్ బలంగా ఉండడం అవసరం..సమంత పోస్ట్ వైరల్ వీడియో

ప్లాన్ మార్చిన ఓటీటీ… నిర్మాతలకు నష్టాలు తప్పవా? వీడియో

బిగ్‌బాస్ నిర్వాహకులకు దెబ్బ మీద దెబ్బ వీడియో