బ్యాక్ బలంగా ఉండడం అవసరం..సమంత పోస్ట్ వైరల్ వీడియో

సమంత రుత్ ప్రభు తన తాజా సోషల్ మీడియా పోస్ట్ ద్వారా మరోసారి వార్తల్లో నిలిచింది. జిమ్‌లో తీవ్రంగా వర్కౌట్ చేస్తున్న ఫొటోలతో పాటు, బలమైన వెన్ను కండరాలను నిర్మించుకోవడం గురించి సుదీర్ఘమైన నోట్‌ను పంచుకుంది. తన మస్కులర్ బ్యాక్‌ను చూపిస్తూ, “ఫుల్ యాక్షన్ మోడ్, బీస్ట్ మోడ్” అంటూ క్యాప్షన్ ఇచ్చింది. కొన్నేళ్ల క్రితం తన వెన్ను బలంగా లేదని, అది తన జన్యువులలో లేదని భావించి వదిలేశానని సమంత వెల్లడించింది. అయితే, ఇప్పుడు అది సరైన ఆలోచన కాదని గ్రహించినట్లు తెలిపింది. తన వెనుక భాగాన్ని బలోపేతం చేయడానికి చాలా కష్టపడ్డానని ఆమె పేర్కొంది. బాడీలో కండరాలను నిర్మించడం అనేది కేవలం రూపం కోసమే కాదని, అది మన జీవనశైలి, కదలికలు, వృద్ధాప్య ప్రక్రియపై కూడా ప్రభావం చూపుతుందని సమంత స్పష్టం చేసింది.