దారుణం.. పెళ్లికి ఒప్పుకోలేదని యువకుడి ఘాతుకం!

మేడ్చల్ జిల్లాలోని పోచారం ఐటీ కారిడార్ పోలీస్ స్టేషన్ పరిధిలో వెలుగుచూసిన ఓ ఘటన సభ్య సమాజాన్ని విస్మయానికి గురిచేస్తోంది. తనను పెళ్లి చేసుకోవడం లేదన్న కక్షతో, ఒక యువతి జీవితాన్ని నాశనం చేసేందుకు ఓ యువకుడు చేసిన దారుణం స్థానికంగా కలకలం రేపుతోంది. గతంలో వచ్చిన ‘రాంబాయి’ సినిమా తరహాలో యువతికి బలవంతంగా హెచ్ఐవి పాజిటివ్ రక్తాన్ని ఎక్కించాడు ఆ యువకుడు. అన్నోజిగూడకు చెందిన యువతికి, మనోహర్ అనే యువకుడితో పెళ్లి నిశ్చయమైంది. అయితే, నిశ్చితార్థం తర్వాత మనోహర్‌కు హెచ్ఐవి పాజిటివ్ అని తెలియడంతో యువతి తల్లిదండ్రులు ఈ పెళ్లిని రద్దు చేసుకున్నారు. తన వ్యాధి గురించి తెలిసి పెళ్లి నిరాకరించిందన్న కోపంతో మనోహర్ ఆ యువతిపై కక్ష పెంచుకున్నాడు. మార్చి 11న యువతి ఇంట్లో ఎవరూ లేని సమయం చూసి మనోహర్ లోపలికి చొరబడ్డాడు. తన వద్ద సిద్ధంగా ఉంచుకున్న సిరంజితో, తన శరీరంలోని హెచ్ఐవి పాజిటివ్ రక్తాన్ని తీసి యువతికి బలవంతంగా ఎక్కించాడు. ఆ తర్వాత యువతికి విపరీతమైన జ్వరం రావడంతో, అనుమానం వచ్చిన తల్లిదండ్రులు నిలదీయగా అసలు విషయం బయటపడింది. యువతి తండ్రి చిరంజీవి ఫిర్యాదు మేరకు పోచారం పోలీసులు కేసు నమోదు చేశారు. ఈ శాడిస్ట్ చర్యకు పాల్పడిన మనోహర్‌ను పోలీసులు అదుపులోకి తీసుకున్నారు. ఒక యువతి భవిష్యత్తును అంధకారం చేసిన ఈ నిందితుడిని కఠినంగా శిక్షించాలని బాధితురాలి కుటుంబ సభ్యులు, స్థానికులు డిమాండ్ చేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

తండ్రి మృతదేహం సాక్షిగా.. పదో తరగతి పరీక్ష రాసిన కొడుకు

‘అంత సులభంగా ఎలా వదిలిపోతావ్?’ అర్జున్‌ దాస్ ఎమోషనల్ బ్రేకప్ పోస్ట్

‘హీరోయిన్ అంటారు.. చివరికి వ్యభిచారంలో నెట్టేస్తారు’

Anushka: ఈ ఏడాదే అనుష్క పెళ్లి !! వరుడు అతనే

మొజ్తాబా ఆచూకీ చెబితే.. బహుమతిగా రూ.93 కోట్లు ..!