బర్డ్ ఫ్లూ భయం.. అయినా ఫ్రీ చికెన్ కోసం ఎగబడిన జనం వీడియో

Share

తెలుగు రాష్ట్రాల్లో బర్డ్ ఫ్లూ భయాన్ని పోగొట్టేందుకు వినూత్న కార్యక్రమానికి శ్రీకారం చుట్టారు. ఫ్రీ చికెన్ మేళాలు నిర్వహిస్తూ మాంసాహార ప్రియుల్లో నిలకొన్న భయాందోళనలను పోగొట్టేందుకు ప్రయత్నిస్తున్నారు. ఏలూరు జిల్లాలో పశుసంవర్థక శాఖ, ఆంధ్రప్రదేశ్ పౌల్ట్రీ ఫెడరేషన్ ఆధ్వర్యంలో ఈ కార్యక్రమాన్ని నిర్వహించారు. చికెన్, గుడ్లతో వివిధ రకాల వంటలు వండి స్థానికులకు వడ్డించారు. చికెన్, గుడ్లు తినేవారు ఎలాంటి భయాందోళనలు చెందవద్దని సూచించారు. అపోహల మాని చికెన్, గుడ్లు తినవచ్చని అవగాహన కల్పించారు. చికెన్ గుడ్ల వంటకాన్ని తినేందుకు మాంసాహార ప్రియులు బారులు తీరారు. కొద్ది రోజులుగా ఏలూరు జిల్లాలో బర్డ్ ఫ్లూ వైరస్ భయాందోళనలను రేకెత్తిస్తోంది. దీంతో చికెన్ కొనేందుకు ఎవరూ ముందుకు రావడం లేదు.