దోస్త్ మేరా దోస్త్.. తాబేలుతో ఎంజాయ్ చేస్తున్న చిరుత !!
స్నేహమేరా జీవితం.. స్నేహమేరా శాశ్వతం అన్నాడు ఓ సినీకవి. దానికి తగినట్లుగానే.. దోస్త్ మేరా దోస్త్ తూహై మేరీ జాన్.. అంటూ చిరుత, తాబేలు పార్క్‌లో ఎంజాయ్ చేస్తున్నాయి.
స్నేహమేరా జీవితం.. స్నేహమేరా శాశ్వతం అన్నాడు ఓ సినీకవి. దానికి తగినట్లుగానే.. దోస్త్ మేరా దోస్త్ తూహై మేరీ జాన్.. అంటూ చిరుత, తాబేలు పార్క్‌లో ఎంజాయ్ చేస్తున్నాయి. ఈ ఆసక్తికరమైన వైరల్ వీడియోను ఇంటర్నెట్‌లో చూసి నెటిజన్లు తెగ సంబరపడుతున్నారు. స్నేహమంటే ఇదేరా.. అంటూ వారి స్నేహితులను గుర్తుచేసుకుంటున్నారు. వైరల్ అవుతున్న ఈ వీడియోలో.. ఒక పచ్చిక బయలులో తాబేలు, చిరుత రెండూ సేదతీరుతున్నాయి. అవి రెండూ ఎంతో సన్నిహితంగా ఉన్నాయి. ఈ క్రమంలో తాబేలు చిరుతకు ఏదో రహస్యం చెబుతున్నట్టుంది. చిరుత తన తలను తాబేలు తల దగ్గర పెట్టి ఎంతో ఆసక్తిగా వింటుంది. ఈ సందర్భంగా చిరుత తన మొహాన్ని తాబేలుకు రుద్దుతూ కనిపిస్తుంది. అలా తాబేలు రక్షణ కవచంపై రుద్దుతూ ఆడుకుంటుంది. అవి రెండూ పార్క్‌లో సరదాగా గడుపుతున్న సన్నివేశం ప్రస్తుతం నెట్టింట వైరల్ అవుతోంది. ఈ వైరల్ వీడియోను ఇన్‌స్టాగ్రామ్‌లో ‘కార్సన్ స్ప్రింగ్స్ వైల్డ్‌లైఫ్.. మంచి స్నేహితులు అనే క్యాప్షన్‌తో షేర్ చేశారు. కార్సన్ స్ప్రింగ్స్ యునైటెడ్ స్టేట్స్‌ ఫ్లోరిడాలోని గైనెస్‌విల్లేలో ఉన్న జంతువుల పార్క్.. ఈ వీడియోలను మిలియన్‌ మందికి పైగా వీక్షించారు. వేలాది మంది లైక్ చేసి పలు రకాల కామెంట్లు చేస్తున్నారు. స్వచ్ఛమైన స్నేహబంధం అంటూ నెటిజన్లు తెగ సంబరపడిపోతున్నారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
ఇంటర్నెట్‌ను షేక్‌ చేస్తున్న ఒకే ఒక్క ఫోటో.. అందులో ఏముందంటే ??
