Hyderabad: చెక్‌పోస్ట్ దగ్గర ఆగిన రెండు జెనరేటర్ వెహికిల్‌లు.. నెంబర్ ప్లేట్‌లు చూడగా

ఒకే నెంబర్‌తో నడుస్తున్న రెండు జెనరేటర్ వెహికిల్‌లను సీజ్ చేశారు ఖైరతాబాద్ రవాణా శాఖ అధికారులు. AP 28 BU 7316 నెంబర్‌తో వాహనాల సర్టిఫికెట్‌లు క్రియేట్ చేసి టాక్స్ ఎగవేసి తిరుగుతున్న రెండు వాహనాలను ఖైరతాబాద్ రవాణా శాఖ అధికారులు గుర్తించారు. అసలైన నెంబర్ గల వాహనం ఇంకా ఆచూకీ తెలియదు. సీజ్ చేసిన వాహనాల యజమానికి విషయం తెలిపామని.. తాను కరెక్ట్‌గానే ఉన్నానని.. మీరే సరిగ్గా లేరని వాగ్వాదం చేస్తున్నట్టు అధికారులు అన్నారు. ఇలాంటి ఒకే నెంబర్‌తో రెండు, మూడు వాహనాలు తిరుగుతున్నట్టు గుర్తిస్తే రవాణా శాఖ అధికారులకు సమాచారం ఇవ్వాలని కోరుతున్నారు.