SSLV-D3 Live: శ్రీహరి కోట నుండి నింగిలోకి దూసుకెళ్లిన ఎస్‌ఎస్‌ఎల్‌వీ-డీ3.. లైవ్.

తిరుపతి జిల్లా శ్రీహరికోటలోని సతీష్ ధావన్ అంతరిక్ష కేంద్రం నుంచి ఇస్రో కొత్త రాకెట్ SSLV D3 నింగిలోకి దూసుకెళ్లింది. ఇస్రో చేపట్టిన ఈ ప్రయోగం ద్వారా 175 కిలోల ఈవోఎస్‌-08 ఉపగ్రహాన్ని కక్ష్యలోకి ప్రవేశపెట్టారు. అలాగే, EOS-08 మిషన్‌గా కొత్త ఎర్త్ అబ్జర్వేషన్ శాటిలైట్‌ను ప్రయోగించారు. సరిగ్గా శుక్రవారం(ఆగస్ట్ 16) ఉదయం 9:17 గంటలకు ప్రయోగించారు. ఈ ఉపగ్రహం విపత్తుల గురించి హెచ్చరికలు ఇస్తుంది. ఇది SSLV చివరి రాకెట్ కావడం విశేషం. పర్యావరణం, ప్రకృత్తి విపత్తులు, అగ్ని పర్వతాలపై ఇది పర్యవేక్షించనుంది. ఈ ప్రయోగం మొత్తం 17 నిమిషాలపాటు సాగింది. ఇస్రోకు చెందిన యూఆర్‌ రావు శాటిలైట్‌ సెంటర్‌లో ఈవోఎస్‌ను అభివృద్ధి చేశారు. ఇందులో ఉండే ఎలక్ట్రో ఆప్టికల్‌ ఇన్‌ఫ్రారెడ్‌ (ఈవోఐఆర్‌) పేలోడ్‌ మిడ్‌-వేవ్, లాంగ్‌ వేవ్‌ ఇన్‌ఫ్రా-రెడ్‌లో చిత్రాలను క్యాప్చర్‌ చేస్తుంది. విపత్తు నిర్వహణలో ఈ సమాచారం ఉపయోగపడుతుందని ఇస్రో పేర్కొంది. దాదాపు ఆరు నెలల విరామం తర్వాత ఇస్రో రాకెట్ ప్రయోగించింది. 2024లో బెంగళూరు ప్రధాన కార్యాలయమైన అంతరిక్ష సంస్థ జనవరి 1న PSLV-C58/XPoSat మిషన్‌ను, ఫిబ్రవరి 17న GSLV-F14/INSAT-3DS మిషన్‌ను విజయవంతంగా ప్రయోగించింది.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.