Paranormal Activity: రూ. 13 లక్షలతో సినిమా.. రూ. 1,647 కోట్లు కొల్లగొట్టింది.!

తాజాగా ఇప్పుడు ‘పారానార్మల్ యాక్టివిటీ’ అనే సినిమాపై ప్రపంచవ్యాప్తంగా పెద్ద ఎత్తున చర్చ జరుగుతోంది. కారణం అది సాధించిన వసూళ్లే. టైటానిక్, అవతార్, అవెంజర్స్ ఎండ్‌గేమ్ వంటి సినిమాల సరసన చేరిన ‘పారానార్మల్ యాక్టివిటీ’ సినిమాను 2007లో ఓరెన్ పెలి రూపొందించారు. లో బడ్జెట్‌లో ఓ సినిమాను తీయాలని నిర్ణయించుకున్న ఓరెన్ పెలి.. ఒక హోం కెమెరాతో, మొత్తం కొత్త వారితో ఈ సినిమాకు రూపకల్పన చేశారు. నటులకు అతి తక్కువగా 500 డాలర్లు.. అంటే మన కరెన్సీలో రూ. 42 వేలు పారితోషికం ఇచ్చారు. నిజానికి ఈ సినిమాకు స్క్రిప్ట్ కూడా లేదు. హారర్ సీన్ల కోసం ప్రాక్టికల్ ఎఫెక్ట్‌లనే ఉపయోగించారు. అలా తెరకెక్కించిన సినిమా చివరికి ‘పారానార్మల్ యాక్టివిటీ’గా బయటకు వచ్చింది. ఈ సినిమా కోసం మొత్తంగా 15 వేల డాలర్లు.. అంటే మన కరెన్సీలో రూ. 13 లక్షలు ఖర్చు చేశారు. ఫిల్మ్ ఫెస్టివల్‌లో ఈ సినిమాను చూసి ఆశ్చర్యపోయిన ‘పారామౌంట్ పిక్సర్చ్’ సంస్థ పోస్ట్ ప్రొడక్షన్, మార్కెటింగ్ కోసం 2 లక్షల డాలర్లు పెట్టుబడి పెట్టింది.

సెప్టెంబర్ 2009లో ఈ మూవీ థియేటర్లను పలకరించి అద్భుత విజయాన్ని అందుకుంది. ప్రపంచవ్యాప్తంగా 194.2 మిలియన్ డాలర్లు.. అంటే మన కరెన్సీలో రూ.1647 కోట్లు వసూలు చేసింది. అంటే ఏకంగా 13 లక్షల రెట్లు అధికంగా లాభాలు ఆర్జించింది. ఈ సినిమా విజయం అందించిన ఉత్సాహంతో ఆ తర్వాత దీనికి మూడు స్వీక్వెల్స్, రెండు స్పినాఫ్స్‌ తెరకెక్కాయి. అవి కూడా ప్రపంచవ్యాప్తంగా 600 మిలియన్ డాలర్లను వసూలు చేశాయి.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.