Mehreen Pirzada: తన ఎగ్ ఫ్రీజింగ్ గురించి చెప్పిన హీరోయిన్ మెహరీన్.!

హీరోయిన్ మెహరీన్ ఎగ్ ఫ్రీజింగ్ చేయించుకుంది. ఈ మేరకు తాను తీసుకున్న నిర్ణయం మీద ఆమె ఓ పోస్ట్ పెట్టింది. గత రెండేళ్లుగా ఈ ప్రక్రియ సాగుతోందని, ఈ విషయాన్ని చెప్పాలా? వద్దా? అన్న ఆలోచన ఉన్నట్లు రాసుకొచ్చింది. ఆల్రెడీ ఈ ఎగ్ ఫ్రీజింగ్ గురించి ఉపాసన, మృణాల్ ఠాకూర్ స్పందించిన సంగతి తెలిసిందే. ఇక ఇప్పుడు మెహరీన్ కూడా ఇదే పద్దతిని అనుసరించింది. ఎగ్ ఫ్రీజింగ్ ప్రక్రియకు వెళ్లాలా? వద్దా? అని చాలా ఆలోచించాననీ తన మనసును సిద్దం చేయడానికి 2 సంవత్సరాలు పట్టిందని పోస్ట్‌లో రాసింది. చివరికి తాను దీన్ని ఎంచుకున్నందుకు చాలా సంతోషంగా ఉందని అంది. వ్యక్తిగతమైన విషయాలు సోషల్ మీడియాలో పంచుకోవాలా? వద్దా? అని ఆలోచిస్తే తన లాంటి చాలా మంది మహిళలు ఉన్నారనీ.. వారు ఎప్పుడు పెళ్లి చేసుకోవాలి? లేదా బిడ్డను కనాలి? అని ఇంకా నిర్ణయించుకుని ఉండరనీ అయితే ఫ్యూచర్ కోసం, భవిష్యత్తులో వచ్చే సంక్లిష్టతలను నివారించడానికి మహిళలంతా దీన్ని ఎంచుకోవాలని తాను భావిస్తున్నట్లు చెప్పింది.

ఇప్పుడు టెక్నాలజీ ఎంతో పెరిగిందనీ.. తల్లి కావాలనేది ప్రతీ మహిళ కల అని చెప్పుకొచ్చింది. వయసు అయిపోయిందన్న కారణంతో ఆ కోరికను చంపుకోలేమనీ ఈ ప్రాసెస్ ఛాలెంజింగ్‌గా అనిపించిందనీ.. ముఖ్యంగా సూదులు, రక్తం, ఆసుపత్రులంటే ఫోబియా ఉన్న తన లాంటి వారికి ఇది మరీ పెద్ద ఛాలెంజ్ అని పేర్కొంది. తాను ఆసుపత్రికి వెళ్లిన ప్రతీసారీ మూర్ఛపోతుండేదాన్ననీ.. హార్మోన్ల ఇంజెక్షన్ల వల్ల కలిగే నిరంతర మానసిక గందరగోళం అంత సులభం కాదనీ.. కానీ ఇదంతా వర్తేనా? అని అడిగితే మాత్రం కచ్చితంగా యస్ అంటానంది. మహిళలు ఏది చేయాలని ఎంచుకున్నా, అది తమ కోసం మాత్రమే చేయాలి అంటూ చెప్పుకొచ్చింది మెహరీన్.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.