Rashmika Mandanna: బాబోయ్.. శ్రీవల్లి కష్టానికి హాట్యాఫ్ చెప్పాల్సిందే.. రష్మిక కష్టాలు చూశారా ?..

ఛలో సినిమాతో తెలుగు తెరకు గీతా గోవిందం సినిమాతో సూపర్ హిట్ అందుకుంది రష్మిక మందన్నా. అతి తక్కువ సమయంలోనే స్టార్ డమ్ అందుకున్న ఈ బ్యూటీ కెరీర్ మలుపు తిప్పిన సినిమా పుష్ప. అల్లు అర్జున్, సుకుమార్ కాంబోలో వచ్చిన ఈ మూవీలో శ్రీవల్లి పాత్రలో కనిపించింది. ఈ సినిమాతో అటు పాన్ ఇండియా రేంజ్ లో అమ్మాడి క్రేజ్ మారిపోయింది. ఇటీవలే యానిమల్ సినిమాతో మరో బ్లాక్ బస్టర్ హిట్ అందుకున్న నేషనల్ క్రష్ … ప్రస్తుతం పుష్ప 2 మూవీలో నటిస్తుంది. అలాగే లేడీ ఓరియెంటెడ్ స్టోరీస్ గర్ల్ ఫ్రెండ్, రెయిన్ బో చిత్రాల్లోనూ నటిస్తుంది. ప్రస్తుతం శ్రీవల్లి నటిస్తున్న అన్ని చిత్రాలు షూటింగ్ జరుపుకుంటున్నాయి. ఇటీవల రష్మిక బర్త్ డే సందర్భంగా పుష్ప 2 నుంచి విడుదలైన శ్రీవల్లి ఫస్ట్ లుక్ పోస్టర్ ఆకట్టుకుంది. ఇందులో పట్టుచీరలో మెడలో బంగారు ఆభరణాలతో రిచ్ లుక్ లో కనిపిస్తుంది. తాజాగా రష్మికకు సంబంధించిన ఓ వీడియో నెట్టింట వైరలవుతుంది. అందులో జిమ్ లో కఠినమైన వర్కవుట్స్ చేస్తూ కనిపించింది రష్మిక.