Viral: ఫూల్స్ డే రోజున వచ్చిన ఫోన్ కాల్.. దెబ్బకు ఎంక్వయిరీ చేయగా మైండ్ బ్లాంక్.!

అదృష్టం ఒక్కసారి మాత్రమే తలుపు తడుతుంది. దురదృష్టం తలుపు తీసేదాకా తడుతూనే ఉంటుంది. ఈ సామెత అందరికీ తెలిసిందే. అదృష్టం ఎప్పుడు.? ఎవరిని వరిస్తుందో అస్సలు చెప్పలేం.. బిచ్చగాడు ఓవర్‌నైట్‌‌లో కరోడ్‌పతి అయిన సందర్భాలు ఉన్నాయి. కరోడ్‌పతి ఒక్క రోజులోనే రోడ్డుపైకి వచ్చిన సందర్భాలు లేకపోలేదు. అయితే మీరెప్పుడైనా రూ. 2 వేలతో కోట్లకు అధిపతి అయిన వాళ్ల గురించి విన్నారా.? అలాంటి ఓ వింత సంఘటన గురించి ఇప్పుడు చూద్దాం.. ఓ మహిళకు ఎంతటి అదృష్టం పట్టిందంటే.. రూ. 2 వేలు ఖర్చు పెట్టింది.. అంతే! అక్షరాల రూ. 25 కోట్లు విలువ చేసే బంగ్లాకు ఓనర్ అయిపోయింది.

వివరాల్లోకి వెళ్తే.. ఇంగ్లాండ్‌లోని వెస్ట్ మిడ్‌లాండ్‌కు చెందిన 59 ఏళ్ల క్యాథరిన్ కర్వర్ధనే అనే మహిళ లక్కీ డ్రా ద్వారా రూ. 25 కోట్ల విలువైన ఇంటిని గెలుచుకుంది. ఈ డ్రా కోసం ఆమె కేవలం రూ. 2 వేలు మాత్రమే ఖర్చు పెట్టడం గమనార్హం. వాలెంటైన్స్ డే రోజున క్యాథరిన్ ఈ లక్కీ డ్రాకు సంబంధించిన టికెట్ కొనుగోలు చేసింది. ఇక డ్రాకు సంబంధించిన ఫలితం ఏప్రిల్ 1న వెల్లడించారు. లక్కీ డ్రా నిర్వాహకులు క్యాథరిన్‌కు ఫోన్ కాల్‌ ద్వారా ప్రైజ్ మనీ గెలుచుకున్నారని తెలియజేయగా.. ఆమె మొదటిగా అదొక ప్రాంక్ అయి ఉంటుందని అనుకుంది. ఎవరో తనను ఏప్రిల్ ఫూల్ చేస్తున్నారని భ్రమపడింది. ఈ విషయాన్ని ఆమె తన భర్తతో పంచుకుంది. అతడు దీనిపై పూర్తిగా విచారించగా.. నిజంగా క్యాథరిన్ రూ. 25 లక్షలు విలువ జేసే ఇంటిని లక్కీ డ్రాలో గెలుచుకుందని తెలుసుకుంటాడు. ఆమె గెలుచుకున్న విలాసవంతమైన ఇంటిలో జిమ్, సినిమా హాల్, గార్డన్‌తో పాటు సరస్సు కూడా ఉంది. ఇక రెండు వేల రూపాయలతో ఇంతటి విలాసవంతమైన ఇల్లు గెలుచుకోవడం క్యాథరిన్‌ను ఆశ్చర్యంలో ముంచెత్తింది.

Also Read: 

వామ్మో! ఈ కి’లేడి’ మహా ముదురు.. ఏకంగా ప్రైవేట్ పార్టులోనే దాచిపెట్టేసిందిగా.. అది చూసి పోలీసుల అవాక్!

Viral Photo: ఈ ఫోటోలో 6 ముఖాలను కనిపెట్టగలరా.? గుర్తిస్తే మీరే గ్రేట్!