మంచిర్యాలలో విచిత్ర సంఘటన.. వ్యాక్సిన్ వేయగానే మహిళకు పూనకం.. వీడియో వైరల్..
గత రెండేళ్లుగా యావత్ ప్రపంచాన్ని పట్టి పీడిస్తోంది కరోనా మహామ్మారి. ప్రపంచం మొత్తాన్ని భయంతో వణికిపోయేలా చేసింది
Updated on: Dec 17, 2021 | 8:33 PM
గత రెండేళ్లుగా యావత్ ప్రపంచాన్ని పట్టి పీడిస్తోంది కరోనా మహామ్మారి. ప్రపంచం మొత్తాన్ని భయంతో వణికిపోయేలా చేసింది వైరస్. ఆర్థికంగానే కాకుండా.. తీవ్ర ప్రాణ నష్టం చేసింది. కరోనా మహమ్మారి.. లాక్ డౌన్ కారణంగా వేలాది మంది ప్రజలు రోడ్డు మీద పడ్డారు. ఓవైపు వైరస్ వ్యాప్తి.. మరోవైపు ఆకలి కేకలతో భారతదేశం చిగురుటాకుల వణికిపోయింది. ఫస్ట్ వేవ్.. సెకండ్ వేవ్ రూపంలో ఎంతో మంది ప్రాణాలను బలి తీసుకుంది ఈ మహామ్మారి. ఇప్పుడు మరోసారి ఓమిక్రాన్ వేరియంట్ రూపంలో ప్రపంచాన్ని భయాందోళనకు గురిచేస్తుంది. రోజూ రోజూకీ ఓమిక్రాన్ వేరియంట్ కేసులు పెరుగుతుండడంతో ప్రభుత్వాలు కట్టడి చర్యలు చేపట్టాయి. కరోనా.. ఓమిక్రాన్ నుంచి రక్షణ కవచం మాత్రం వ్యాక్సినేషన్ ఒక్కటే అంటున్నారు నిపుణులు.
రోజుకో కొత్త రూపంతో విరుచుకు పడుతున్న కరోనాను ఎదుర్కొనేందుకు చేపట్టిన వ్యాక్సినేషన్ ప్రక్రియ దేశవ్యాప్తంగా కొనసాగుతూనే ఉంది. వ్యాక్సిన్ పై ఉన్న అపోహలను తొలగిస్తూ.. వ్యాక్సినేషన్ కార్యక్రమాన్ని మరింత వేగవంతం చేస్తున్నారు. మరో వైపు రాష్ట్రంలోకి ఓమిక్రాన్ కేసులు కూడా ఎంటరవడంతో ప్రభుత్వం మరింత అప్రమత్తమైంది. ఇప్పటీకీ టీకా వేసుకోని మారు మూల ప్రాంతాల్లోని ప్రజలు వ్యాక్సినేషన్ వేస్తున్నారు ఆరోగ్య సిబ్బంది. ఈ క్రమంలో మంచిర్యాల జిల్లాలో విచిత్ర సంఘటన జరిగింది. వ్యాక్సిన్ వేసేందుకు వెళ్లిన ఆరోగ్య సిబ్బందికి అనుకోని సంఘటన ఎదురైంది. ఇందుకు సంబంధించిన వీడియో ఇప్పుడు సోషల్ మీడియాలో తెగ వైరల్ అవుతుంది.
మంచిర్యాల జిల్లాలో వ్యాక్సిన్ ప్రక్రియ కొనసాగుతోంది. ఈ క్రమంలో వేమనపల్లి మండలం ముల్కలపేటలో కోవిడ్ వ్యాక్సినేషన్ కోసం ఆరోగ్య సిబ్బంది వెళ్లారు. ఈ క్రమంలో రాజక్క అనే మహిళకు వ్యాక్సిన్ వేశారు. వెంటనే ఆ మహిళ పూనకం వచ్చినట్టుగా ఊగిపోయింది. దేవుళ్ల పేర్లను పలుకుతూ వింతగా ప్రవర్తించింది. దీంతో ఆశ్చర్యపోయిన ఆరోగ్య సిబ్బంది ఆమెను మామూలు స్థితికి తీసుకువచ్చేందుకు ప్రయత్నించారు. వ్యాక్సిన్ గురించి వివరిస్తూ అవగాహన కల్పించారు. ప్రస్తుతం ఇందుకు సంబంధించిన వీడియో నెట్టింట్లో తెగ వైరల్ అవుతుంది.
Bheemla Nayak: వికారాబాద్ అడవుల్లో భీమ్లానాయక్ చిత్ర యూనిట్.. పవన్ కోసం సందడి చేస్తున్న ఫ్యాన్స్
Pushpa: థియేటర్లలో అదరగొడుతున్న ‘పుష్ప’ రాజ్.. బన్నీ సినిమాకి సంబంధించిన 9 అద్భుతాలు ఇవే!
