సింహాలు హైనాలను చంపుతాయి కానీ వాటి మాంసం తినవు.. రీజన్ ఇదే..

అడవిలో సింహాలు, హైనాల మధ్య పోటీ చాలా కాలంగా కొనసాగుతోంది. ఈ రెండు జంతువులు ఒకే ఆహారం కోసం పోటీ పడుతుంటాయి. అయితే, ఒక ఆసక్తికర విషయం ఏమిటంటే.. సింహాలు హైనాలను చంపినా, సాధారణంగా వాటిని తినవు. మరోవైపు, హైనాలు మాత్రం అవకాశం దొరికితే సింహం ఎముకలను కూడా వదలకుండా తినేస్తాయి.

ఈ ప్రవర్తనకు ప్రధాన కారణంగా చెప్పబడేది హైనాల మాంస స్వభావమే. హైనాల మాంసం గట్టిగా ఉండటం, కొంత దుర్వాసన ఉండటం వలన సింహాలు దానిని ఆహారంగా ఇష్టపడవు. సింహాలు సాధారణంగా పోషకాలు ఎక్కువగా ఉండే, సులభంగా జీర్ణమయ్యే జంతువులను వేటాడుతాయి. ముఖ్యంగా జీబ్రాలు, యాంటీలోప్స్ వంటి గడ్డి తినే జంతువుల మాంసం వాటికి అనుకూలంగా ఉంటుంది.ఇక హైనాలు మాత్రం అవకాశవాదులు. దొరికినదేదైనా తినగల సామర్థ్యం వాటికి ఉంటుంది. అందువల్లే అవి సింహం మృతదేహాన్నికూడా ఆహారంగా వినియోగించగలవు.

అయితే, సింహాలు హైనాలను తినకపోయినా ఎందుకు చంపుతాయనే ప్రశ్న సహజం. దీనికి ప్రధాన కారణం పోటీ. ఆహారం, వేట భూమి, ఆధిపత్యం కోసం ఈ రెండు జాతుల మధ్య తీవ్ర పోటీ ఉంటుంది. ఈ పోటీని తగ్గించుకోవడం కోసం, తమ భూభాగంపై ఆధిపత్యాన్ని నిలబెట్టుకోవడం కోసం సింహాలు హైనాలను చంపుతాయి. మొత్తానికి, ఇది కేవలం ఆహార ఎంపిక మాత్రమే కాదు.. అడవిలో మనుగడ కోసం జరిగే వ్యూహాత్మక పోరాటం.

 నాగుపాముని రక్తపింజరి కరిస్తే నాగుపాము చనిపోతుందా ?