అమరవీరుడి చెల్లి పెళ్లి వేడుకలో అన్నగా బాధ్యత నిర్వహించిన జవాన్లు.. చూపరుల కంట తడి పెట్టిస్తోన్న వీడియో

హిమాచల్ ప్రదేశ్ కు చెందిన సైనికులు ఒక యువతి వివాహంలో సోదరుడి పాత్ర పోషించడం ద్వారా తమ అమరవీరుడైన స్నేహితుడి విధిని నెరవేర్చారు. 2024లో అరుణాచల్ ప్రదేశ్ లో జరిగిన యుద్ధంలో తన సోదరుడిని కోల్పోయిన యువతి వివాహంలో సోదరుడి పాత్ర పోషించడానికి హిమాచల్ ప్రదేశ్ కు చెందిన సైనికులు ముందుకొచ్చారు. ఈ దృశ్యాన్ని చూసిన వారి కళ్ళు కన్నీళ్లతో నిండిపోయాయి.

సిర్మౌర్, అక్టోబర్ 3వ తేదీ 2024లో అరుణాచల్ ప్రదేశ్‌లో జరిగిన యుద్ధంలో తన అన్నయ్యను కోల్పోయిన యువతి వివాహంలో సోదరుడి పాత్ర పోషించడానికి హిమాచల్ ప్రదేశ్‌కు చెందిన సైనికులు రంగంలోకి దిగారు. వధువు ఆరాధన.. పెళ్లి అంగరంగ వైభవంగా జరిగింది. ఆమె అన్న ఆశిష్ కుమార్ లేడు అన్న లోటు తప్ప.. పెళ్లి వేడుక అత్యంత ఘనంగా సాంప్రదాయంగా జరిగింది.

ఇవి కూడా చదవండి

కళ్ళు ఆరోగ్యంగా ఉండేందుకు.. ఈ అలవాట్లు దినచర్యలో చేర్చుకోండి..

గురు అనుగ్రహం ఈరాశులపైనే.. పెండింగ్ పనులు పూర్తి విశేష ప్రయోజనాలు

ఇంద్రకీలాద్రిపై భక్తుల రద్దీ.. అమ్మ దర్శనానికి పోటెత్తిన భవానీలు

శరత్ పున్నమి నాడు వీటిని దానం చేయండి లక్ష్మీదేవి అనుగ్రహం మీసొంతం

ఆశిష్ కుమార్ పనిచేసిన రెజిమెంట్ నుంచి సైనికులు, మరి కొంతమంది మాజీ సైనికులు సిర్మౌర్ జిల్లాలోని భర్లి గ్రామంలోని పెళ్ళికి హాజరయ్యారు. ఆరాధనకు ఆమె సోదరుడి పాత్రలో నిలిచి ఆమెను మంటపానికి తీసుకెళ్లి అన్నయ్య పాత్ర పోషించారు. ఈ సమయంలో వధువు తన అన్నయ్యను గుర్తుచేసుకుని భావోద్వేగానికి గురైంది. అమరవీరుడి సోదరుడి రెజిమెంట్ సభ్యుల సమక్షంలో వివాహం చేసుకుంది. వివాహం తర్వాత సైనికులు కూడా వధువుతో పాటు ఆమె అత్తమామల ఇంటికి వెళ్లి, సోదరుడి బాధ్యతను పూర్తి చేశారు. ఈ దృశ్యం వివాహానికి హాజరైన ప్రతి ఒక్కరినీ భావోద్వేగానికి గురిచేసింది.

View this post on Instagram

A post shared by The Tatva (@thetatvaindia)

తమ ప్రేమకు .. తన తోటి సైనికుడి కుటుంబానికి మద్దతుకు చిహ్నంగా.. వారు ఆరాధనకు వివాహ ఆశీర్వాదంగా ఒక ఫిక్స్‌డ్ డిపాజిట్‌ను కూడా బహుమతిగా ఇచ్చారు. ఆమె సోదరుడు మిగిల్చిన శూన్యాన్ని పూరించే భాద్యతను పూర్తి చేశారు. ఫిబ్రవరి 2024లో ఆపరేషన్ అలర్ట్ సమయంలో అరుణాచల్ ప్రదేశ్‌లో ఆశిష్ కుమార్ యుద్ధంలో మరణించాడు.

మరిన్ని వైరల్ వీడియో వార్తల కోసం ఇక్కడ క్లిక్ చేయండి..