Viral Video: గేదె పిల్లపై అటాక్ చేసిన రెండు భారీ సింహాలు.. మరి తల్లి గేదె ఊరుకుంటుందా..?

Viral Video: అడవికి రాజు సింహం. ఒక్కసారి గర్జిస్తే జంతువులన్ని భయపడాల్సిందే. వేటకి బయలుదేరిందంటే పారిపోవాల్సిందే. అలాంటి సింహానికి సంబంధించిన

Buffalo Clashed

uppula Raju | Edited By: Phani CH|
Updated on: Feb 15, 2022 | 11:32 AM

Viral Video: అడవికి రాజు సింహం. ఒక్కసారి గర్జిస్తే జంతువులన్ని భయపడాల్సిందే. వేటకి బయలుదేరిందంటే పారిపోవాల్సిందే. అలాంటి సింహానికి సంబంధించిన చాలా వీడియోలు సోషల్ మీడియాలో వైరల్ అవుతుంటాయి. తాజాగా సింహం గేదె పిల్లని వేటాడిన వీడియో ఒకటి నెట్టింట్లో హల్‌చల్ చేస్తుంది. ఈ వీడియో చూసిన నెటిజన్లు తల్లి గేదె ధైర్యాన్ని మెచ్చుకుంటున్నారు. రకరకాల కామెంట్లు పెడుతున్నారు. వీడియో చూస్తే మీకు స్టోరీ అర్థమవుతుంది. ఆ వీడియో గురించి తెలుసుకుందాం. ప్రపంచంలో తల్లికి మించిన దైవం లేదు. అది జంతువులకైనా మనుషులకైనా. పిల్లల జోలికొస్తే ఏ తల్లి సహించదు. తాజాగా ఈ వీడియోలో రెండు సింహాలు ఒక గేదె పిల్లపై దాడి చేయడం మనం వీడియోలో గమనించవచ్చు. రెండు సింహాల మధ్య ఆ గేదెపిల్ల ప్రాణాలతో పోరాడుతుంటుంది.

అప్పుడే ఆ సంఘటన తల్లి గేదె చూస్తుంది. వెంటనే వేగంగా వచ్చి సింహాలని బెదరగొడుతుంది. తన కొమ్ములతో సింహాలపై యుద్దం ప్రకటిస్తుంది. దానికి తోడుగా మరో గేదె సింహాలపై అటాక్ చేస్తుంది. దీంతో సింహాలు గేదె పిల్లని విడిచిపెట్టి దూరంగా వెళుతాయి. ఇలా తల్లిగేదె తన బుజ్జి గేదె కోసం ధైర్యంతో సింహాలతో పోరాడటం మనం వీడియోలో చూడవచ్చు. ఈ వీడియో నెటిజన్ల మనసుని తాకింది. దీంతో రకరకాల కామెంట్లతో వారి అభిప్రాయాలను తెలియజేస్తున్నారు. ఈ వీడియో ఇప్పుడు సోషల్‌మీడియాలో వైరల్‌గా మారింది. చాలామంది తల్లి గేదె ధైర్యాన్ని ప్రశంసించారు. ఒక నెటిజన్ ఇలా అన్నాడు.. ‘ప్రపంచంలో ఏ తల్లి అయినా పిల్లల కోసం ప్రాణాలు కూడా లెక్క చేయదు’ అన్నాడు. మరొకరు.. ‘గేదె ధైర్యానికి హ్యాట్సాఫ్’ చెప్పాడు. మీరు కూడా ఈ వీడియోని చూసినట్లయితే మీ కామెంట్ తెలపండి.