Viral: స్కూల్‌లో వాష్‌రూమ్ డోర్ ఓపెన్ చేయగా ఊహించని షాక్.. అక్కడ సీన్ చూసి గుండె గుభేల్!
ఒక్కోసారి మన జీవితంలో ఎదురయ్యే కొన్ని సంఘటనలు.. గుండె ఉలిక్కిపడేలా.. దెబ్బకు దడుసుకునేలా చేస్తాయి..
Ravi Kiran | Edited By: seoteam.veegam
Updated on: Apr 12, 2023 | 12:08 PM
ఒక్కోసారి మన జీవితంలో ఎదురయ్యే కొన్ని సంఘటనలు.. గుండె ఉలిక్కిపడేలా.. దెబ్బకు దడుసుకునేలా చేస్తాయి. సరిగ్గా ఇలాంటి అనుభవమే ఓ వ్యక్తికి ఎదురైంది. స్కూల్‌లోని వాష్‌రూమ్ డోర్ ఓపెన్ చేసిన అతడికి.. ఎదురుగా కనిపించిన షాకింగ్ సీన్ చూడగా గుండె ఆగినంత పనైంది. ఇంతకీ అసలు ఏమైందనేగా మీ సందేహం.. అయితే లేట్ ఎందుకు స్టోరీలోకి వెళ్లిపోదాం.
వివరాల్లోకి వెళ్తే.. ఉత్తరప్రదేశ్‌ ఫిరోజాబాద్‌లోని నాగ్లాపాసీ గ్రామంలో ఉన్న ఓ రెసిడెన్షియల్ పాఠశాలలో ఏడు అడుగుల పొడవైన మొసలి స్థానికంగా కలకలం రేపింది. స్కూల్‌లోని టాయిలెట్‌లో ఈ భారీ మొసలి ప్రత్యక్షం కావడంతో ఒక్కసారిగా స్టూడెంట్స్ గుండెల్లో గుబులు రేగింది. వెంటనే అప్రమత్తమైన స్థానికులు.. దాని జోలికి వెళ్లకుండా.. వెంటనే అటవీ శాఖ సిబ్బందికి సమాచారాన్ని అందించారు.
వణ్యప్రాణి సంరక్షణ బృందం సమాచారం అందుకున్న వెంటనే పాఠశాల వద్దకు చేరుకున్నారు. రెండు గంటల పాటు శ్రమించి.. చివరికి మొసలిని సురక్షితంగా పట్టుకుని.. ఓ ఇనుప బోనులో బంధించారు. దీంతో గ్రామస్థులంతా ఊపిరి పీల్చుకున్నారు. ఆ రోజు ఆదివారం కావడంతో.. స్కూల్‌లో విద్యార్ధులెవ్వరూ లేకోపోవడంతో పెను ప్రమాదం తప్పిందని స్థానికులు చెబుతున్నారు.
यूपी के फिरोजाबाद के एका के गांव नगला पसी में एक आवासीय स्कूल के बाथरूम में मगरमच्छ के घुस जाने से अफरा-तफरी मच गई। #crocodile #firozabadnews pic.twitter.com/tFUxInLPqh
— Hindustan UP-Bihar (@HindustanUPBH) April 10, 2023
