Viral Photo: మీకో సవాల్.! ఈ ఫోటోలో చిరుతను కనిపెట్టండి చూద్దాం.. 99% ఫెయిల్!

ఇంటర్నెట్ ప్రపంచంలో ‘ఫైండ్ ది ఆబ్జెక్ట్’ పజిల్స్‌ను నెటిజన్లు తెగ ఇష్టపడతారు. వాటిల్లో ఏముందో కనిపెట్టేందుకు ఉత్సాహం చూపిస్తుంటారు. అయితే ఈ ఫోటో పజిల్స్‌లో ఉన్న జంతువును కనిపెట్టేందుకు చాలా కష్టపడాల్సి ఉంటుంది. మీ కళ్లల్లో పదునుంటే చిటికెలో కనిపెట్టేయగలరు. ఇలాంటి ఫన్ కంటెంట్ కోసం కొన్ని పేజీలు ప్రత్యేకంగా ఫోటో పజిల్స్ అప్‌లోడ్ చేస్తుంటాయి. సవాళ్లను స్వీకరించేవారికి ఈ పజిల్స్ ఇట్టే టైం గడిచిపోయేలా చేస్తాయి. ఈ వైరల్ ఫోటో పజిల్స్.. మాములు పజిల్‌కు తక్కువేం కాదు.. మేధావులను సైతం బురిడీ కొట్టిస్తాయి. ఇక ఇలాంటి ఫోటోలు సోషల్ మీడియాలో కోకొల్లలు. ఆ కోవకు చెందిన ఓ ఫోటో ప్రస్తుతం సోషల్ మీడియాలో తెగ చక్కర్లు కొడుతోంది.

వైరల్ అవుతున్న చిత్రంలో మీరు ఒక పర్వతాన్ని చూడవచ్చు. అయితే అక్కడ ఓ జంతువు దాగుంది. అది మీకు కనిపించదు. దాన్ని మీరు గుర్తించాలి. పైన పేర్కొన్న చిత్రంలో ఓ మంచు చిరుత ఎంచక్కా సేద తీరుతోంది. ఆ రాళ్ల మధ్య చిరుత సేద తీరుతుండగా.. రాళ్ల రంగు.. చిరుత చర్మం రంగు ఒకటైపోవడంతో.. దాన్ని గుర్తించడం నెటిజన్లకు కాస్త కష్టమే అని చెప్పాలి. చాలా మంది నెటిజన్లు ఈ ఫోటోలో మంచు చిరుతను కనిపెట్టాలని ప్రయత్నించారు. అయితే చివరికి ఫెయిల్ అయ్యారు. మరి మీరు కూడా ఓసారి ప్రయత్నించండి.

here is the answer pic.twitter.com/UxcVOSFE7d

— telugufunworld (@telugufunworld) March 2, 2022

ఇదిలా ఉంటే.. మంచు చిరుతలు అరుదైన జాతికి చెందిన జంతువులు. ఇవి ఎక్కువగా కొండలు, పర్వతాలపై తమ జీవనాన్ని సాగిస్తుంటాయి. వాటికీ నీలం రంగు గొర్రెలు ఇష్టమైన ఆహారం అని చెప్పొచ్చు. అలాగే సాయంత్రం వేళ మంచు చిరుతలు వేటాడుతుంటాయి. అవి ఆ సమయంలోనే చురుగ్గా ఉంటాయి.