రష్యన్ మనిషిని తిన్న షార్క్.. ఈజిప్ట్ మ్యూజియంలో మమ్మీగా మారింది.. ఎందుకంటే..
ఈ విషాద ఘటనతో అక్కడి పర్యాటకులు సైతం నిర్ఘంతపోయారు. ఉప్పెనల ఎగిసిపడుతున్న దుఖంతోనే ఆ తండ్రి తన కొడుకు మృతదేహాన్ని రష్యాకు తీసుకెళ్తానని అభ్యర్థించాడు. ఇటీవల కాలంలో ఈ బీచ్లో షార్క్ల దాడులు సర్వసాధారణంగా మారిపోయాయంటున్నారు స్థానికులు, దీంతో స్థానికులు, పర్యాటకుల్లో భయం నెలకొంది.
Updated on: Jun 16, 2023 | 1:19 PM
ఓ తండ్రీకొడుకులు సముద్రంలో ఈత కొడుతుండగా ఉన్నట్టుండి ఒక షార్క్ వారిపై దాడి చేసింది. తండ్రి కళ్లముందే కుమారుడిపై దాడి చేసి లాక్కెళ్లింది. మొసలి నోటికి చిక్కి క్షణాల్లో ప్రాణాలు కోల్పోయిన కొడుకు మృతదేహాన్ని చూసి ఆ తండ్రి తల్లడిల్లిపోయాడు. సముద్ర తీరంలోనే కుప్పకూలిపోయాడు. కొడుకును తలచుకుని కన్నీరుమున్నీరయ్యాడు. ఈజిప్టును సందర్శించేందుకు వచ్చిన రష్యా కుటుంబంలో జరిగింది ఈ విషాద సంఘటన. ఈ దారుణ ఘటన తర్వాత ఈజిప్టు అధికారులు ఆ షార్క్ను పట్టుకున్నారు.. ఆ తర్వాత షార్క్ను మమ్మీ చేసి మ్యూజియంలో ఉంచినట్లు సమాచారం.
ఈ సంఘటన ఈజిప్టులో జరిగింది. ఇటీవల ఒక రష్యన్ కుటుంబం ఈజిప్టు సందర్శనకు వచ్చింది. సంతోషంగా సాగిన వీరి విహార యాత్రలో తమ కొడుకు మృతి వారి కుటుంబంలో తీరని విషాదాన్ని మిగిల్చింది. ఈ ఘటన అనంతరం అక్కడి అధికారులు.. ఆ షార్క్ను పట్టి చంపేశారని తెలిసింది. ఆ తర్వాత షార్క్ పొట్టలోంచి శరీరా భాగాలను వెలికితీశారు. ఆ తర్వాత షార్క్ శరీరాన్ని మమ్మీ చేసి ఈజిప్షియన్ మ్యూజియంలో ఉంచినట్టుగా సమాచారం. షార్క్ ఎందుకు అలా ప్రవర్తించింది? అనే కారణాలను గుర్తించేందుకే పరిశోధకులు షార్క్ను భద్రపరిచారని చెప్పారు.
అయితే, ఆ రోజున 23 ఏళ్ల వ్లాదిమిర్ పోపోవ్ ఈజిప్టులోని హుర్ఘాడా సముద్రంలో పడిపోయాడు. జల్కెలి వీడియో షూట్ కోసం తలపై ఆధునిక గ్రో ప్రో కెమెరా కూడా ఉంది. తమ చుట్టుపక్కలే షార్క్ ఉందని ఒక్క క్షణం కూడా వారు గుర్తించలేదని పోపోవ్ తండ్రి తెలిపారు. సంతోషంగా సముద్రంలో ఎంజాయ్ చేస్తున్న సమయం ఇంత భయంకరంగా మారుతుందని కొద్ది క్షణాలు ఆలస్యంగా అర్థమైంది. రెప్పపాటు సమయంలోనే ఆ షార్క్ వ్లాదిమిర్పై దాడి చేసిందని చెప్పారు. దాదాపు రెండు గంటలపాటు వెతికిన తర్వాత షార్క్ దొరికింది. తరువాత, వ్లాదిమిర్ శరీర భాగాలను దాని పొట్టలో గుర్తించారు. వాటిని అతని కుటుంబ సభ్యులకు అప్పగించారు. ఈ విషాద ఘటనతో అక్కడి పర్యాటకులు సైతం నిర్ఘంతపోయారు. ఉప్పెనల ఎగిసిపడుతున్న దుఖంతోనే ఆ తండ్రి తన కొడుకు మృతదేహాన్ని రష్యాకు తీసుకెళ్తానని అభ్యర్థించాడు. ఇటీవల కాలంలో ఈ బీచ్లో షార్క్ల దాడులు సర్వసాధారణంగా మారిపోయాయంటున్నారు స్థానికులు, దీంతో స్థానికులు, పర్యాటకుల్లో భయం నెలకొంది.
మరిన్ని అంతర్జాతీయ వార్తల కోసం క్లిక్ చేయండి..
