షార్క్‌‌తో ‘క్లోజ్ ఎన్‌కౌంటర్’.. డేంజరే!

అమెరికాలోని మసాచ్యూసెట్స్ లో ఈ మధ్య ఓ విచిత్రం జరిగింది. అక్కడి సముద్ర జలాల్లోకి సరదాగా బోటులో షికారుకెళ్ళిన ఓ కుటుంబం తృటిలో ఒక షార్క్ దాడి నుంచి బయటపడింది. ఈ షాక్ నుంచి ఆ ఫ్యామిలీ ఇంకా బయటపడలేకపోతోంది. వివరాల్లోకి వెళ్తే.. నెల్సన్ అనే పెద్దమనిషి తన కొడుకు జాక్ తోను, ఇతర స్నేహితులతోను బోటులో ‘ సముద్ర విహారానికి ‘ వెళ్ళాడు. జాక్ తన చేతిలో ఓ చిన్న చేపను పట్టుకుని నీటి వంక చూస్తుండగా.. ఎప్పుడు..ఎలా చూసిందో.. ఓ వైట్ షార్క్ చరచరా దూసుకువచ్చి … నీటిలోంచే ఒక్క గంతున ఎగిరొచ్చి కుర్రాడి చేతిలోని చేపను నోట కరుచుకుని పోయింది. భయంతో జాక్ ఒక్క ఉదుటున వెనక్కివచ్చేశాడు. ఇదంతా క్షణాల్లో జరిగిపోయింది. ఆ షాక్ నుంచి తేరుకోవడానికి ఆ ఫ్యామిలీకి సుమారు రెండు, మూడు నిముషాలు పట్టింది. ఈ వీడియో వైరల్ కాగా ఒక్కరోజులోనే 78 వేలకు పైగా వ్యూస్ రాబట్టింది. నెల్సన్ ఆ తరువాత ఈ ఘటనను.. ‘ భయం గొలిపే తమాషా ‘ అనుభవంగా అభివర్ణించాడు. ఏమైనా. గ్రేట్ వైట్ షార్క్ చేపలు చాలా డేంజరేనని, వాటి దాడిలో చాలామంది మరణించడమో, గాయపడడమో జరుగుతోందని అధికారులు, సముద్ర శాస్త్రజ్ఞులు అంటున్నారు. అందువల్లే అవి ఉంటున్న సముద్ర జల తీరాలకు సమీపంగా వెళ్లవద్దని సూచిస్తున్నారు.

Incredible footage today from Doug Nelson of Franklin, MA fishing aboard the Columbia out of Rock Harbor in Orleans. @MA_Sharks pic.twitter.com/rK3yk5j6SG

— Atlantic White Shark Conservancy (@A_WhiteShark) July 20, 2019