Viral Video: క్లాస్‌రూంలో కత్రినా పాటకు అదిరిపోయే స్టెప్పులు.. అమ్మాయిపై ఫైరవుతోన్న నెటిజన్స్‌.. కారణమేంటంటే?
Chikni Chameli Song: బాలీవుడ్‌ గ్రీక్‌ హీరో హృతిక్ రోషన్, సంజయ్ దత్, ప్రియాంకా చోప్రా ప్రధాన పాత్రల్లో నటించిన చిత్రం అగ్నిపథ్. పదేళ్ల క్రితం వచ్చిన ఈ మూవీలో కత్రినా కైఫ్ 'చికినీ చమేలీ' అనే స్పెషల్‌ సాంగ్‌తో కుర్రకారు హృదయాలను కొల్లగొట్టింది.
Updated on: Sep 16, 2022 | 10:15 AM
Chikni Chameli Song: బాలీవుడ్‌ గ్రీక్‌ హీరో హృతిక్ రోషన్, సంజయ్ దత్, ప్రియాంకా చోప్రా ప్రధాన పాత్రల్లో నటించిన చిత్రం అగ్నిపథ్. పదేళ్ల క్రితం వచ్చిన ఈ మూవీలో కత్రినా కైఫ్ ‘చికినీ చమేలీ’ అనే స్పెషల్‌ సాంగ్‌తో కుర్రకారు హృదయాలను కొల్లగొట్టింది. ఇందులో ఆమె వేసిన స్టెప్పులు ఎవర్‌గ్రీన్‌గా నిలిచిపోతాయి. అందుకే ఇప్పుడు కూడా కొన్ని పార్టీలు, ఫంక్షన్లలో ఈ పాట వినిపిస్తూ ఉంటుంది. తాజాగాఈ పాటకు క్లాస్‌రూంలో కాలు కదిపింది ఓ అమ్మాయి. విద్యార్థులందరూ చూస్తుండగా హుషారుగా స్టెప్పులేసింది. కత్రినాను మరిపిస్తూ హొయలొలికిస్తూ ఆ విద్యార్థిని చేసిన డ్యాన్స్‌కు తరగతి గది కాస్తా చప్పట్లు, ఈలలతో థియేటర్‌గా మారిపోయింది.
ప్రస్తుతం దీనికి సంబంధించిన వీడియో సోషల్‌ మీడియాలో వైరల్‌గా మారింది. అమ్మాయి డ్యాన్సింగ్‌ ట్యాలెంట్‌ను పొగుడుతూ ప్రశంసలు కురిపిస్తున్నారు. అయితే కొంతమంది మాత్రం క్లాస్‌రూంలో ఇలాంటి కుప్పి గంతులేంటి అని ఆగ్రహం వ్యక్తం చేస్తున్నారు. దీనికి తోడు వీడియోలో విద్యార్థిని వెనకాల ఉన్న బోర్డును నిశీతంగా పరిశీలిస్తే..హ్యాపీ టీచర్స్‌ డే అని రాసి ఉంది. అంటే టీచర్స్‌ డే సెలబ్రేషన్‌ రోజున ఈ డ్యాన్స్‌ చేసిందని తెలుస్తోంది. ఇది నెటిజన్లకు మరింత ఆగ్రహాన్ని తెప్పిస్తోంది.
View this post on Instagram
మరిన్ని ట్రెండింగ్ వార్తల కోసం క్లిక్ చేయండి..
