Viral Video: సీసీ కెమెరాను కనిపెట్టిన గుడ్లగూబ.. ఆ తరువాత ఏం చేసిందో చూస్తే నవ్వాపుకోలేరు..!
Viral Video: సాధారణంగా అటవీ ప్రాంతంలో ఫారెస్ట్ అధికారులు సీసీ కెమెరా వంటి ప్రత్యేక కెమెరాలను ఏర్పాటు చేస్తుంటారు. ఇంకొన్ని..
Updated on: Aug 05, 2022 | 9:57 PM
Viral Video: సాధారణంగా అటవీ ప్రాంతంలో ఫారెస్ట్ అధికారులు సీసీ కెమెరా వంటి ప్రత్యేక కెమెరాలను ఏర్పాటు చేస్తుంటారు. ఇంకొన్ని చోట్ల జంతు ప్రేమికులు.. జంతువులు, పక్షుల ఫోటోలను తీసేందుకు రహస్యంగా కెమెరాలను పెడతారు. వాటి ముందుకు జంతువులు, పక్షులు వచ్చినప్పుడు ఆటోమాటిక్‌గా ఫోటోలు తీస్తాయి. ఈ కెమెరాలకు కొన్నిసార్లు అందమైన దృశ్యాలు చిక్కుతాయి. అలాంటి దృశ్యమే ఓ కెమెరాకు చిక్కింది. మూడు గుడ్లగూబలు కెమెరా కంటికి చిక్కాయి. ఆ మూడూ స్నేహితుల్లా కలిసిమెలిసి ఉన్నాయి. ఇంతలో ఓ గుడ్లగూబ.. కెమెరాను గుర్తించింది. నేరుగా కెమెరా వద్దకు పరుగెత్తుకుంటూ వచ్చింది.
కెమెరా ముందు నిల్చున్న గుడ్లగూబ.. ఏదో తేడాగా ఉందే అనకుంటూ అటూ ఇటూ తిరుగుతూ చూసింది. తన పెద్ద కళ్లను మరింత పెద్దగా చేసి ఆ కెమెరాను పరికించి చూసింది. తల కిందకు, పైకి, రౌండ్‌గా తిప్పుడూ వించ చేష్టలు చేసింది. తన రెక్కలను విప్పి మరీ ఇక్కడ ఏదో ఉందన్నట్లు పరిశీలించింది చూసింది గుడ్లగూబ. దాని ప్రవర్తన అంతా కెమెరాలో రికార్డ్ అయ్యింది. చూడటానికి ఫన్నీగా ఉన్న దృశ్యాలకు సంబంధించిన వీడియోను సోషల్ మీడియాలో పోస్ట్ చేశారు. @Animal_WorId పేరుతో ఉన్న ట్విట్టర్‌ అకౌంట్‌లో పోస్ట్ చేయగా.. అదికాస్తా వైరల్ అయ్యింది. కెమెరా ముందు ఆ గుడ్లగూబ ఇచ్చిన ఎక్స్‌ప్రెషన్స్ నెటిజన్లను విపరీతంగా ఆకట్టుకుంటోంది. మరెందుకు ఆలస్యం ఈ క్యూట్ వీడియోను ఇప్పుడే చూసేయండి.
— عالم الحيوان (@Animal_WorId) May 13, 2022
మరిన్ని ట్రెండింగ్ వార్తల కోసం ఈ లింక్ క్లిక్ చేయండి..
