Trending: సైకిల్‌పై చంటి బిడ్డతో అమ్మసాహసం.. రాజులా దర్జాగా కూర్చున్న బుడ్డొడు!! ఇంతకంటే సంతోషం ఇంకేముంది..?

వృత్తి రీత్యా ఐపీఎస్ అధికారి అయిన అంకితా శర్మ ఈ వీడియోను షేర్ చేశారు. ఈ వీడియోలో ఓ తల్లి చీర కట్టుకుని సైకిల్ తొక్కుతూ కనిపించింది. ఆమె తన చంటిబిడ్డను తన సైకిల్ వెనుక కూర్చుబెట్టుకుని ఉంది.

Mother Cycle

Jyothi Gadda |
Updated on: Jun 12, 2022 | 9:49 PM

ఈ ప్రపంచంలో పిల్లలను ఎక్కువగా ప్రేమించేది తల్లి మాత్రమే. ఈ భూమ్మీద వెలకట్టలేనిది ఏదైనా ఉందా అంటే అది ఒక్క తల్లి ప్రేమ మాత్రమే. నవమాసాలు బిడ్డను తన గర్భంలో జాగ్రత్తగా మోసి… నొప్పులు భరించి ఆ బిడ్డను ప్రపంచానికి పరిచయం చేస్తుంది. అంతేకాదు తన బిడ్డ కోసం ఎన్నో త్యాగాలు చేస్తుంది తల్లి. ఇక అమ్మను గురించి ఆ తల్లి ప్రేమను గురించి ప్రపంచ వ్యాప్తంగా ఉన్న కవులు తమదైన శైలిలో వర్ణించారు. త్యాగమే పరమావధి గా తన జీవితాన్ని, తన సంతోషాన్ని బిడ్డల కే అంకితం చేసే అలాంటి అమ్మ కు సంబంధించి మరో వీడియో సోషల్ మీడియాలో తెగ చక్కర్లు కొడుతోంది.

వృత్తి రీత్యా ఐపీఎస్ అధికారి అయిన అంకితా శర్మ ఈ వీడియోను షేర్ చేశారు. ఈ వీడియోలో ఓ తల్లి చీర కట్టుకుని సైకిల్ తొక్కుతూ కనిపించింది. ఆమె తన చంటిబిడ్డను తన సైకిల్ వెనుక కూర్చుబెట్టుకుని ఉంది. సైకిల్‌ వెనుక ఓ కూర్చి ఏర్పాటు చేసి అందులో చిన్నారిని కూర్చుబెట్టింది..ఆ చిన్నారి కూడా హాయిగా కూర్చుని ఉంది.ఈ వీడియో ప్రస్తుతం సోషల్‌ మీడియాలో తెగ చక్కర్లు కొడుతోంది. వీడియో చూసిన నెటిజన్లు భిన్నమైకన కామెంట్లు పెడుతున్నారు. బిడ్డకు సైకిల్ వెనకాల తల్లి కుర్చీ వేయడం జనాలకు బాగా నచ్చింది. ‘పిల్లలకు ఇంతకంటే సంతోషం ఏముంటుంది. అంటూ ఓ యూజర్‌ కామెంట్‌ చేయగా, ‘ఈ ప్రపంచంలో తల్లి కంటే గొప్ప యోధుడు ఉండడు.’ అంటూ మరో నెటిజన్‌ కామెంట్‌ చేశారు.

ఇవి కూడా చదవండి