Watch Video: స్టైల్ విషయంలో తగ్గేదేలే..! ఒక్క హెయిర్‌కట్‌తో మోడల్‌‌గా మారిన ‘మన్కీ కింగ్’.. చూస్తే నవ్వాగదుగా..
ఎంతో మంది మోడల్ అని చెప్పకుంటూ తమ హెయిర్ స్టెయిల్‌కి సంబంధించిన వీడియోలను సోషల్ మీడియాలో పోస్ట్ చేస్తున్నారు. అయితే అలాంటి హెయిర్ స్టెయిల్‌కి సంబంధించిన వీడియో ఒకటి ఇప్పుడు నెట్టింట వైరల్ అవుతోంది. కానీ అందులో ఉన్నది..
Updated on: Apr 03, 2023 | 12:08 PM
అందంగా హెయిర్ స్టెయిల్ చేసుకుని నలుగురిలో మోడల్‌లా కనిపించాలని ఎవరు మాత్రం కోరుకోరు. అందుకోసం నెలకోసారి హెయిర్‌కటింగ్స్, హెయిర్ కలర్స్‌.. ఇలా ఏవేవో చేస్తుంటాం కదా.. దానికి తోడు గత కొన్ని రోజులుగా తెలుగు రాష్ట్రాలలో ‘మోడల్ మోడల్’ అనే సాంగ్ ఒకటి తెగ వైరల్ అవుతోంది. ఇక ఈ పాట పెట్టుకుని ఎంతో మంది మోడల్ అని చెప్పకుంటూ తమ హెయిర్ స్టెయిల్‌కి సంబంధించిన వీడియోలను సోషల్ మీడియాలో పోస్ట్ చేస్తున్నారు. అయితే అలాంటి హెయిర్ స్టెయిల్‌కి సంబంధించిన వీడియో ఒకటి ఇప్పుడు నెట్టింట వైరల్ అవుతోంది. కానీ అందులో ఉన్నది మనిషి అయితే కాదు. అవును, ఓ మర్కటం.. అదేనండీ, మన కోతి బార్బర్ షాప్‌కి వెళ్లి స్పైకీ హెయిర్ కటింగ్ చేయించుకుంది. అంతేనా.. దీనికి సంబంధించిన వీడియోను కూడా నెట్టింట పోస్ట్ చేయించుకుంది. అంతే.. ఆ వీడియో కాస్త ఇప్పుడు నెట్టింట వైరల్ అవుతోంది.
shravangoud_writes.official అనే ఇన్‌స్టా ఖాతా నుంచి పోస్ట్ అయిన వీడియోలో ఈ దృశ్యాలను మీరు చూడవచ్చు. బ్యాక్‌గ్రౌండ్‌లో మోడల్ మోడల్ పాట వస్తుంటే.. ఆ కోతి వీడియోకు ఫోజులిస్తుంది. ఇక ఈ వీడియోను చూసిన నెటిజన్లు రకరకాలుగా కామెంట్లు చేస్తున్నారు. ఈ క్రమంలోనే ఒక నెటిజన్ ‘కోతితో కటింగ్ షాప్ అన్న: హీరోలా ఉన్నావు తమ్ముడు’ అని అంటాడని రాసుకొచ్చాడు. అలాగే మరొకరు ‘బ్రొక్ లెస్నర్’ అని డబ్య్లూడబ్ల్యూఈ రెజ్లర్‌తో పోల్చాడు. ఇంకో నెటిజన్ అయితే ‘మన్కీ మోడల్’ అన్నాడు. ఇంకా ‘వీడు కదా అసలైన మన్కీ కింగ్’ అంటూ.. ఇలా నెటిజన్లు వారివారి స్పందనలను కామెంట్ల ద్వారా తెలియజేస్తున్నారు. ఇక ఈ వీడియోకు ఇప్పటివరకు దాదాపు లక్షా 40 వేల లైకులు, ఇంకా 19 లక్షలకు పైగా వీక్షణలు దక్కాయి. ఇంకా ఈ వీడియోను అనేక మంది షేర్ చేస్తున్నారు.
మీరు కూడా ‘మన్కీ మోడల్’ వీడియోను ఇక్కడ చూడండి..
View this post on Instagram
