అయ్య బాబోయ్‌.. వరదల్లో కొట్టుకువస్తున్నమొసళ్లు.. నగర రోడ్లపై స్వైర విహారం..
అయితే, కోటాలో వర్షాకాలంలో ఇటువంటి సంఘటనలు కొత్తవి కాదంటున్నారు పలువురు. అయితే, ఈ యేడాది ఎడతెరిపి లేకుండా కురుస్తున్న వర్షాలు పరిస్థితిని మరింత దిగజార్చాయి. భారీ వర్షాలు, వరదలతో ఇలాంటి ప్రమాదకర పాములు, మొసళ్లు జనావాసాల్లోకి వస్తున్నాయి.
Updated on: Jul 20, 2023 | 6:40 PM
ఎడతెరిపి లేని వర్షాలు, వరదలతో ఉత్తర భారతదేశంలోని చాలా ప్రాంతాలు అల్లాడిపోతున్నాయి. అందులో రాజస్థాన్ రాష్ట్రంలోనూ కుండపోత వర్షాలు జనజీవనాన్ని అస్తవ్యస్థంగా మారుస్తున్నాయి. రాష్ట్ర వ్యాప్తంగా కురుస్తున్న వర్షాల కారణంగా ప్రజలు అనేక ఇబ్బందులు పడ్డారు. కాగా, రాజస్థాన్‌లోని కోటాలో ఇప్పుడు కొత్త సమస్య మొదలైంది. కోటా రోడ్లపై మొసళ్లు స్వైర విహారం చేస్తున్నాయి. అవును.. నది, సముద్రం, అటవీ సమీపంలో ఉండాల్సిన విష సర్పాలు, మొసళ్లు రాజస్థాన్‌లోని కోటాలో నివాస ప్రాంతాల్లోకి వచ్చి చేరుతున్నాయి. దీంతో స్థానిక ప్రజలు తీవ్ర భయాందోళనలకు గురవుతున్నారు. ఎట్నుంచి ఏ విష సర్పం ఇంట్లోకి వస్తుందోనని భయపడిపోతున్నారు. ఇందుకు సంబంధించిన ఒక వీడియో ప్రస్తుతం సోషల్ మీడియాలో వైరల్‌ అవుతోంది.
దేశవ్యాప్తంగా సోషల్ మీడియా వినియోగదారుల దృష్టిని ఆకర్షించిన ఒక షాకింగ్ సంఘటన ఇటీవల కోటా నగరంలో జరిగింది. 4 అడుగుల పొడవున్న మొసలి తల్వాండి ప్రాంతంలోని ప్రధాన రహదారినిపై ప్రత్యక్షమైంది. అర్ధరాత్రి సమయంలో రోడ్డు దాటుతున్న మొసలి వీడియో సోషల్ మీడియాలో వైరల్‌గా మారింది. దర్జగా రోడ్డు దాటిన ఆ మొసలి పక్కనే ఉన్న కాలువలోకి ప్రవేశించింది. ఇది చూసిన నెటిజన్లు షాక్‌ అవుతున్నారు. ఫుటేజీ బయటకు వచ్చిన కొద్దిసేపటికే వైరల్‌గా మారింది. వీడియో చూసిన నెటిజన్లు అంతే వేగంగా స్పందించారు. సంబంధిత అధికారులు వేగంగా చర్యలు తీసుకోవాలని కోరారు.
यह अभयारण्य नहीं, कोटा शहर का सबसे पॉश इलाका तलवंडी है। बीती रात कॉमर्स कॉलेज रोड पर 4 फीट लंबा मगरमच्छ यूं घूमता दिखा। pic.twitter.com/CFz0l6aX2y
— Ashish Jain/आशीष जैन (@jaina111) July 19, 2023
అయితే, కోటాలో వర్షాకాలంలో ఇటువంటి సంఘటనలు కొత్తవి కాదంటున్నారు పలువురు. అయితే, ఈ యేడాది ఎడతెరిపి లేకుండా కురుస్తున్న వర్షాలు పరిస్థితిని మరింత దిగజార్చాయి. భారీ వర్షాలు, వరదలతో ఇలాంటి ప్రమాదకర పాములు, మొసళ్లు జనావాసాల్లోకి వస్తున్నాయి.
మరిన్ని ట్రెండింగ్ ఆర్టికల్స్ కోసం క్లిక్ చేయండి..
