Viral Video: నాగుపాముకు ప్రాణం పోసిన యువకుడు.. స్ట్రాతో ఊపిరి ఊదుతూ.. వైరల్గా మారిన వీడియో.!
శ్వాస తీసుకోవడంలో ఇబ్బందిపడుతున్న వారికి.. నోట్లో నోరు పెట్టి ఊపిరి అందిస్తుండటం మనం చూస్తూనే ఉంటాం. అయితే జంతువులకు, విషసర్పాలకు..
Updated on: Jun 21, 2021 | 4:45 PM
శ్వాస తీసుకోవడంలో ఇబ్బందిపడుతున్న వారికి.. నోట్లో నోరు పెట్టి ఊపిరి అందిస్తుండటం మనం చూస్తూనే ఉంటాం. అయితే జంతువులకు, విషసర్పాలకు ఇలాంటి పరిస్థితి ఎదురైతే సాయం ఎవరందిస్తారు.? పామును చూస్తేనే మనం ఆమడదూరం పరిగెత్తుతాం. అలాంటిది ఒడిశాకు చెందిన ఓ యువకుడు ఏకంగా ప్రాణాపాయంలో ఉన్న నాగుపాముకు ఊపిరి ఊది మరీ ప్రాణం పోశాడు. ఆ వివరాలు ఇలా ఉన్నాయి.
మల్కన్గిరిలోని నౌగుడా గ్రామంలోని ఓ ఇంట్లోకి 10 అడుగుల నాగుపాము ప్రవేశించింది. దీనితో ఖంగారుపడిన గ్రామస్తులు వెంటనే స్నేక్ క్యాచర్కు సమాచారం అందించారు. స్నేహశీష్ అనే స్నేక్ క్యాచర్ అక్కడికి చేరుకొని చాకచక్యంగా ఇంట్లోకి ప్రవేశించిన పామును పట్టి బయటికి తీశాడు. అయితే అది అపస్మారక స్థితిలో ఉందని గ్రహించిన అతడు.. ఓ స్ట్రా సాయంతో దానికి ఊపిరి ఊదాడు. అలా 15 నిమిషాల పాటు చేసిన తర్వాత ఆ పాము స్పృహలోకి వచ్చింది.
ఆ పాముకు ప్రాణాపాయం తప్పిందని నిర్ధారించుకున్న తర్వాత తీసుకెళ్లి సమీప అటవీ ప్రాంతంలో వదిలేశాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్గా మారగా.. స్నేహశీష్ చేసిన పనికి నెటిజన్లు ప్రశంసలు కురిపిస్తున్నారు. కాగా, నెట్టింట్లో అప్లోడ్ చేసిన కొద్ది క్షణాల్లో ఈ వీడియోకు వేలల్లో వ్యూస్, లైకులు వచ్చాయి.
Also Read:
వన్డే క్రికెట్లో ప్రపంచ రికార్డు.. రెండు సెంచరీలు, రెండు అర్ధ సెంచరీలు.. ఓవరాల్గా 481 పరుగులు..
ఈ ఫోటోలో పులి దాగుంది.! మీరు కనిపెట్టగలరా.? చాలామంది ఫెయిల్ అయ్యారు.!
నది దాటుతున్న సింహంపై మొసలి సాలిడ్ ఎటాక్.. వీడియో చూస్తే షాక్ అవ్వాల్సిందే.!
