Delhi: ఢిల్లీలో మరో దారుణం.. యువకుడ్ని 3 కిలోమీటర్లు లాక్కెళ్లిన కారు
దేశరాజధాని దిల్లీ లో అత్యంత భద్రత ఉన్న వీఐపీ జోన్లో జరిగిన ప్రమాదం ఆలస్యంగా వెలుగుచూసింది. శనివారం రాత్రి కస్తుర్బాగాంధీ మార్గ్, టోల్స్తోయ్ మార్గ్ సమీపంలో ద్విచక్రవాహనంపై వెళ్తోన్న ఇద్దరు వ్యక్తులను ఓ కారు వేగంగా ఢీ కొట్టింది. దాంతో ఓ వ్యక్తి కొన్ని అడుగుల దూరం ఎగిరిపడగా.. మరో వ్యక్తి కారు పైభాగంపై పడిపోయాడు.
Updated on: May 03, 2023 | 9:56 PM
దేశరాజధాని దిల్లీ లో అత్యంత భద్రత ఉన్న వీఐపీ జోన్లో జరిగిన ప్రమాదం ఆలస్యంగా వెలుగుచూసింది. శనివారం రాత్రి కస్తుర్బాగాంధీ మార్గ్, టోల్స్తోయ్ మార్గ్ సమీపంలో ద్విచక్రవాహనంపై వెళ్తోన్న ఇద్దరు వ్యక్తులను ఓ కారు వేగంగా ఢీ కొట్టింది. దాంతో ఓ వ్యక్తి కొన్ని అడుగుల దూరం ఎగిరిపడగా.. మరో వ్యక్తి కారు పైభాగంపై పడిపోయాడు. కానీ డ్రైవర్ మాత్రం ఆ కారును అలాగే వేగంగా ముందుకు తీసుకెళ్లాడు. దాదాపు మూడు కిలోమీటర్లు వెళ్లిన తర్వాత దిల్లీ గేట్ సమీపంలో పైభాగంలో ఉన్న వ్యక్తిని కిందికి పడేసి, కారు డ్రైవర్ పారిపోయాడు. అప్పటికే తీవ్ర గాయాలతో ఉన్న ఆ బాధితుడు ఆ తర్వాత మరణించాడు. గాయపడిన మరో వ్యక్తి పరిస్థితి విషమంగా ఉంది. ఈ ఘటనపై కేసు నమోదు చేసిన పోలీసులు నిందితులను అరెస్టు చేశారు. కానీ వారి పేర్లను ఇంకా బయటకు వెల్లడించలేదు.
అయితే ఈ ప్రమాదంలో మృతి చెందిన వ్యక్తి పేరు దీపాన్షు వర్మ. ఇతను ఒక ఆభరణాల దుకాణాన్ని నడుపుతున్నాడు. తల్లిదండ్రులకు ఇతనొక్కడే కొడుకు. అయితే కొద్ది నెలల క్రితం దిల్లీలో ఇలాంటి తరహా ఘటనే చోటుచేసుకుంది. ఓ యువతి నడుపుతోన్న బైక్ను ఢీకొన్న కారు.. ఆమె శరీరాన్ని కొన్ని కిలోమీటర్లపాటు ఈడ్చుకెళ్లింది. దీంతో ఆ మహిళ అక్కడికక్కడే ప్రాణాలు కోల్పోవడం దుమారం రేపిన విషయం తెలిసిందే.
మరిన్ని ట్రెండింగ్ వార్తల కోసం ఈ లింక్ క్లిక్ చేయండి..
