Viral Video: కొడుకు కోసం అందమైన ప్లేహౌస్ నిర్మించిన తండ్రి.. మురిసిపోయిన చిన్నారి.. బ్యూటిఫుల్ వీడియో
Father Builds A Wooden Playhouse For Son: బిడ్డల కోసం తల్లిదండ్రులు ఏమైనా చేస్తారు. వారు ఆనందంగా ఉండేందుకు.. అనుక్షణం ఏదైనా చేయడానికి వెనుకాడరు.
Updated on: Sep 24, 2022 | 6:45 AM
Father Builds A Wooden Playhouse For Son: బిడ్డల కోసం తల్లిదండ్రులు ఏమైనా చేస్తారు. వారు ఆనందంగా ఉండేందుకు.. అనుక్షణం ఏదైనా చేయడానికి వెనుకాడరు. తాజాగా.. ఓ తండ్రి బిడ్డ కోసం చేసిన పని నెట్టింట అందర్ని తెగ ఆకట్టుకుంటోంది. దీన్ని చూసి అంతా ఆశ్చర్యపోతున్నారు. బిడ్డ మీద ప్రేమతో ఓ తండ్రి తన కొడుకు కోసం అందమైన ప్లేహౌస్ను నిర్మించాడు. దీనికి చిన్న ఎలివేటర్ కూడా ఏర్పాటు చేశాడు. అయితే.. తన న్యూ గిఫ్ట్ను చూసి మురిసిపోయిన చిన్నారి.. బోసి నవ్వులు నవ్వుతూ తెగ మురిసిపోయాడు. ఈ రియాక్షన్ను చూసి నెటిజన్లు ఫిదా అవుతున్నారు.
వైరల్ వీడియోలో చిన్నారి తొలిసారిగా ప్లేహౌస్లోకి అడుగుపెట్టడం చూడవచ్చు. ఎలివేటర్లో ఇంటిపైకి వెళుతూ ఆనందంతో మురిసిపోతాడు. ఎలివేటర్లోకి ప్రవేశించగానే.. ఓ చైన్ అడ్డుపెట్టి తండ్రి ఎలివేటర్కి కట్టిన తాడును లాగుతాడు. అనంతరం పిల్లవాడు చెక్క ఎలివేటర్పై నిలబడి నవ్వుతూ.. ప్లే హౌస్కి చేరుకుంటాడు. అనంతరం అక్కడి నుంచి చూస్తూ ఆనందంతో నవ్వుతాడు. ఆ తర్వాత ఎలివేటర్ నుంచి కిందకు వస్తాడు. అయితే.. చిన్నారికి తగినట్లుగా తండ్రి.. ప్లేహౌస్తో పాటు, మాన్యువల్ ఎలివేటర్ను నిర్మించాడు.
వీడియో చూడండి..
This Dad built his son a playhouse with an elevator and the baby’s reaction is pure joy.
? Imgur/Tourmalin pic.twitter.com/zTlWxKf7fc
— Danny Deraney (@DannyDeraney) September 22, 2022
ఈ వైరల్ వీడియోను గురువారం ట్విట్టర్లో డానీ డెరానీ అనే వినియోగదారుడు షేర్ చేశాడు. అప్పటినుంచి ఈ వీడియోకు 9 లక్షలకు పైగా వ్యూస్ వచ్చాయి. అంతేకాకుండా లక్షలాది మంది లైక్ చేసి.. కామెంట్లు చేస్తున్నారు. పిల్లల ఆనందమే అందరికీ కావాలని.. కానీ ఎలివేటర్తో డేంజర్ అంటూ నెటిజన్లు కామెంట్ చేస్తున్నారు.
మరిన్ని ట్రెండింగ్ వార్తల కోసం క్లిక్ చేయండి..
